Bakı. Trend:
Qlobal Bakı Forumu yeni ideyalar, alternativlər və həllər üçün platformaya çevrilib.
Trend xəbər verir ki, bunu BMT Baş Assambleyasının 73-cü sessiyasının prezidenti Mariya Fernanda Espinosa martın 12–14-də keçiriləcək XIII Qlobal Bakı Forumu çərçivəsində keçirilən mətbuat konfransında deyib.
“Bu forum - Bakı Forumu - təkcə dünya geosiyasətinin məlumatlı təhlili üçün bir başlanğıc nöqtəsinə çevrilməyib, eyni zamanda yeni ideyalar, alternativlər və həllər üçün bir məkan rolunu oynayır. Hətta regionda çox qeyri-sabit və təhlükəli vəziyyətin hökm sürməsinə baxmayaraq, forumda dünyanın bütün regionlarından 350-dən çox siyasətçi, parlament üzvü, dövlət və hökumət başçıları iştirak edəcək”,- deyə o bildirib.
Onun sözlərinə görə, bu, forumun və Azərbaycanın dialoq və konstruktiv diplomatiyanın baş verdiyi cəlbedici bir məkan kimi əhəmiyyətini önə çıxarır. Bu forumda gənc nəslin səsi də eşidiləcək.
Onun sözlərinə görə, bu, forumun və Azərbaycanın dialoq və konstruktiv diplomatiyanın baş verdiyi cəlbedici bir məkan kimi əhəmiyyətini göstərir. Bu forumda gənc nəslin səsi də eşidiləcək.