Bakı. Trend:
İspaniya La Liqasında XX turun növbəti qarşılaşması keçirilib.
Trend xəbər verir ki, "Real Madrid" doğma Santiago Bernabeu stadionunda "Las Palmas"la üz-üzə gəlib. Oyun Madrid təmsilçisinin 4:1 hesablı qələbəsi ilə başa çatıb.
Ev sahiblərinin heyətində Kilian Mbappe iki qol vuraraq dubl edib. Digər qolları isə Brahim Diaz və Rodriqo öz adlarına yazdırıblar. Qonaqların yeganə qolunu Fabio Silva vurub.
Bu nəticədən sonra "Real Madrid" xallarını 46-ya çatdıraraq turnir cədvəlində birinci pilləyə yüksəlib. "Las Palmas" isə 22 xalla 14-cü sırada qərarlaşıb.