Bakı. Rufiz Hafizoğlu – Trend:
Qarsda tikintisi Azərbaycanla birgə həyata keçirilən logistika mərkəzi bütün regionun, xüsusilə də Qars vilayətinin iqtisadiyyatının inkişafına təkan verəcək.
Trend-in məlumatına görə, bunu Türkiyənin Baş naziri Binəli Yıldırım deyib.
B.Yıldırımın sözlərinə görə, bu logistika mərkəzinin açılışı yükdaşımaların artmasına da xidmət edəcək.
Qeyd edək ki, Qars logistika mərkəzinin açılışı bu il oktyabrın 30-da baş tutacaq. Hər il bu mərkəz vasitəsilə 412 min ton yükün nəql olunması planlaşdırılır.