...

AZAL prezidenti Batumi meri ilə görüşüb (FOTO)

İqtisadiyyat Materials 12 Aprel 2019 15:55 (UTC +04:00)
Batumi şəhərinin meri Laşa Komaxidze Bakıda işgüzar səfərdədir.
AZAL prezidenti Batumi meri ilə görüşüb (FOTO)

Trend-i buradan izləyin

Bakı. Trend:

Batumi şəhərinin meri Laşa Komaxidze Bakıda işgüzar səfərdədir.

“Azərbaycan Hava Yolları” QSC-nin mətbuat xidmətindən Trend-ə verilən məlumata görə, Mer səfər çərçivəsində AZAL prezidenti Cahangir Əsgərovla görüşüb.

Görüşdə tərəflər bu ilin 14 iyun tarixindən etibarən Azərbaycanın loukosteri “Buta Airways” tərəfindən birbaşa müntəzəm reyslərin açılacağından məmnunluq ifadə ediblər.

C.Əsgərovun sözlərinə əsasən, Bakı-Batumi marşrutu üzrə uçuşlar həftədə iki dəfə - cümə və bazar günləri həyata keçiriləcək. Batumi loukosterin Gürcüstanda ikinci istiqaməti olacaq, belə ki, paytaxt Tbilisiyə də gündəlik uçuşlar həyata keçirilir.

C.Əsgərov bildirib ki, bundan başqa, AZAL aviaşirkəti də Tbilisiyə birbaşa reyslər həyata keçirir. Onun sözlərinə görə, Azərbaycan və Gürcüstan arasında uçuşların sayının artması işgüzar dairələrin əlaqələrini, turist axınını artıracaq, ümumiyyətlə, regionlararası əməkdaşlığın inkişafına töhfə verəcəkdir.

Öz növbəsində, L.Komaxidze Azərbaycanın mülki aviasiya sahəsində nailiyyətlərini yüksək qiymətləndirib. Batumi şəhərinin meri qeyd etmişdir ki, Azərbaycan və Gürcüstan bütün istiqamətlərdə, o cümlədən nəqliyyat sahəsində strateji tərəfdaşdırlar.

Məqalədə:
Xəbər lenti

Xəbər lenti