...

Nəqliyyat, Rabitə və Yüksək Texnologiyalar Nazirliyinin dəstəyi ilə “World Net Summit” onlayn konfransı keçiriləcək

İqtisadiyyat Materials 7 May 2020 09:50 (UTC +04:00)
Nəqliyyat, Rabitə və Yüksək Texnologiyalar Nazirliyinin dəstəyi ilə “World Net Summit” onlayn konfransı keçiriləcək

Bakı. Trend:

Nəqliyyat, Rabitə və Yüksək Texnologiyalar Nazirliyinin, Birləşmiş Millətlər Təşkilatının İnkişaf Proqramının, “SUP VC” və İnnoland İnkubasiya və Akselerasiya Mərkəzinin dəstəyi, “Net Summit LLC”nin təşkilatçılığı ilə 11-15 may tarixlərində “World Net Summit” onlayn konfransı keçiriləcək.

Nazirlikdən Trend-ə verilən məlumata görə, ümumilikdə “Startup Academy”, “Monex Summit”, “Government Address”, “Baku E-Trade Forum”, “Maintech Forum”, “Venture Summit”, “Creathink”, “Corporate Innovation Forum”, “Influencer Summit” üzrə 9 fazadan ibarət olan tədbirdə 15 ölkədən 30-dan artıq spikerin çıxışı nəzərdə tutulur.

“COVID-19” pandemiyası səbəbindən onlayn formatda keçiriləcək konfransda dövlətlərin pandemiya sonrası innovasiya strategiyası, investorların atacağı addımlar, “fintech”lərin bu dövrdə qarşılaşdıqları problemlər və digər bu kimi mövzular üzrə çıxışlar olacaq. Tədbirdə region dövlətlərinin innovasiya mərkəzlərinin rəsmi şəxsləri startap ekosistemi ilə bağlı son vəziyyəti müzakirə edəcəklər.

Onlayn konfrans 11 may tarixində “Startup Academy” və “Monex Summit” tədbirləri ilə start götürəcək. “Startup Academy” fazası “SUP VC”nin direktoru Vüsal Kərimlinin moderatorluğu, Gürcüstan İnnovasiyalar və Texnologiya Agentliyinin sədri Avtandil Kasradze, “Startup Estonia”nın baş icraçı direktoru Maarika Truu, “Astana Hub”ın baş icraçı direktoru Jospef Ziqler, “Startup Lithuania”nın baş icraçı direktoru Roberta Rudokienenin spiker kimi iştirakları ilə baş tutacaq.

Qeyd edək ki, tədbirin saytında (https://worldnetsummit.com/home) qeydiyyatdan keçməklə digər fazalar barədə ətraflı məlumat əldə etmək mümkündür.

Məqalədə:
Xəbər lenti

Xəbər lenti