Bakı. Trend:
Türkiyənin Roketsan şirkəti Pilotsuz Uçuş Aparatları üçün yeni İHA-122 havadan atılan ballistik raketlərin istehsalına başlayır.
Trend TurkicWorld-a istinadən xəbər verir ki, bu barədə Roketsan şirkətinin direktoru Murat İkinci bildirib.
Məlumata əsasən, yeni ballistik raketlər daha öncə hazırlanan İHA-230 kimi səsdən yüksək sürətə malik olacaq.
Qeyd edək ki, Roketsan tərəfindən istehsal edilən İHA-230 səsdən yüksək sürətli raketi 150+ kilometr uçuş məsafəsinə malikdir. Hissəcik effektli döyüş başlığına sahib olan İHA-230-da müxtəlif hədəf tiplərinə qarşı zirehli deşici və ya termobarik döyüş başlığı variantları da var.