Bakı. Trend:
Sentyabrın 22-də Azərbaycanda Apple-ın rəsmi resellerləri şirkətin ayın 12-də təqdim etdiyi yeni məhsulları üçün öncədən sifarişləri açıq elan edib. İlk növbədə, söhbət iPhone 15-in yeni modellərindən və yeni Apple Watch-dan gedir. Görəsən Kupertinodan olan əfsanəvi brend bu dəfə nə ilə təəcübləndirəcək və sevindirəcək? Gəlin daha yaxından nəzər salaq.
iPhone 15 Pro və iPhone 15 Pro Max
Yeni modellər dörd rəngdə aerokosmik
titandan (NASA-nın istifadə etdiyi) hazırlanmış yüngül, lakin
davamlı korpusa malikdir: Təbii Titan, Ağ Titan, Mavi Titan, Qara
Titan. Hər iki flaqman modeli iPhone-da kompyuter və konsol
oyunlarını oynamağa imkan verən yeni qrafik prosessorlar və güclü
A17 Pro çipləri ilə öyünə bilər.
Smartfonun yan tərəfinə müxtəlif hərəkətləri, o cümlədən proqramları işə salmaq üçün ayarlana bilən çoxfunksiyalı Action düyməsi əlavə edilib. Portret fotoqrafiya həvəskarları yeni fokus və dərinlik imkanlarını yüksək qiymətləndirəcək. Bundan əlavə, iPhone 15 Pro Max-da 5x optik böyütmə üçün foto sensor var.
Ən çox müzakirə edilən yenilik isə iPhone 15 xəttinin bütün modellərində Lightning konnektorundan USB-C-yə keçid olub ki, bu da məlumat ötürmə sürətini artırıb (Pro versiyalarında 10 Gbit/s-ə qədər). Və ən xoş olanı: indi noutbukları, planşetləri, smartfonları və Apple qulaqlıqlarını şarj etmək üçün bir kabel istifadə edilə bilər.
iPhone 15 və iPhone 15 Plus
Baza modellərin korpusu
alüminiumdan, arxa paneli isə tutqun rəngli şüşədən hazırlanıb.
Cihazı daha rahat işlətmək üçün ekrana Dynamic Island əlavə olunub
- əvvəllər bu həll yalnız iPhone Pro versiyasının sahibləri üçün
əlçatan idi. Ekranın özü isə daha parlaq oldu.
Dəyişikliklər kameraya da toxunub, indi
onunla ultra yüksək keyfiyyətli (48 MP) şəkillər çəkmək olar. Süni
intellekt alqoritmlərinin tətbiqi ilə təkmilləşdirilmiş fokus və
dərinliylə daha da mükəmməlləşmiş portret rejimini təklif edir.
Smart-HDR sayəsində isə gecə çəkilən fotoşəkillər daha aydın
olacaq.
Prosessor xüsusi diqqətə layiqdir - güclü A16 Bionic çipi sayəsində smartfon sizi yüksək performans və avtonomiya ilə sevindirəcək, batareya isə bütün günə kifayət edəcək. iPhone 15 və iPhone 15 Plus çəhrayı, sarı, yaşıl, mavi və qara rənglərdə mövcuddur.
Apple Watch Series 9
Yeni S9 prosessoru ilə Apple saatları daha güclü və enerjiyə qənaətli olub. Onlar ikiqat toxunma jestiylə idarəni dəstəkləyir (birbaşa qadcetə toxunmadan) və iPhone istifadə etmədən Siri-ni birbaşa ekrandan işə salmağa imkan verir. Daha həssas sensorlarla Apple Watch Series 9 fiziki vəziyyətinizi daha dəqiq aşkar edəcək. Digər yeniləmələr sırasında təkmilləşdirilmiş iPhone axtarışı və 2 dəfə daha parlaq ekran daxildir.
Onu da qeyd etmək lazımdır ki, Apple Watch Series 9, bütün yeni Apple məhsulları kimi, maksimal dərəcədə ekoloji təmizdir. Korpus 100% təkrar emal olunmuş alüminiumdan hazırlanıb. Bu o deməkdir ki, saat istehsalı atmosferə atılan istixana qazlarının miqdarını artırmır. Yeni məhsul trenddə ola çəhrayı və qırmızı (Product Red) daxil olmaqla səkkiz rəngdə təqdim olunur.
Apple Watch Ultra 2
İdmançılar və aktiv insanlar arasında populyar olan bu smart saat yeni S9 prosessorunu, Siri-dən istifadə edərək məlumatlara sürətli çıxışı, iki dəfə toxunma jestinə dəstəyi, həssas sensorları və qaranlıqda işə salınan avtomatik gecə rejimini əldə edib. Ümumiyyətlə, saat daha da davamlı və istifadəsi rahat oldu. Enerjiyə qənaət rejimində isə o, 72 saata qədər işləyəcək, internet bağlantısı olmadan olan iş rejimi sayəsində isə “oflayn” qalmaqdan qorxmamaq olar.
Watch Ultra 2 Apple smart saatları arasında ən parlaq ekrana malikdir. Onlar həmçinin 40 metrə qədər dərinliklərə dalmağa və 9000 m-ə qədər yüksəkliklərə qalxmağa tab gətirə bilirlər, təkrar emal edilmiş təyyarə titanından və etibarlı sapfir kristalından hazırlanmış möhkəm korroziyaya davamlı korpusa malikdirlər, buna görə də ekstremallar üçün ideal yoldaş olacaqlar.
Yeni məhsullar satışa sentyabrın 29-da çıxacaq. Lakin qadcetləri
ilk əldə edənlər arasında olmaq istəyənlər artıq rəsmi Apple
resellerlərinin vebsaytlarında öncədən sifariş edə bilərlər:
iSpace, Kontakt Home, Irshad, Baku Electronics, Bytelecom, Myshops, Soliton, Maxi, Azercell.
Öncədən sifariş dövründə və satışın başlandığı ilk 3 gün ərzində,
yəni oktyabrın 1-dək xüsusi təklif var – Birbank taksit
kartlarından istifadə etməklə 30 aya faizsiz taksitlə bu məhsulları
əldə etmək imkanı olacaq. Ətraflı məlumat üçün rəsmi satış
tərəfdaşlarının mağazaları ilə əlaqə saxlaya bilərsiniz. Lakin
nəzərə alın ki, məhsulların sayı məhduddur, ona görə də tələsmək
lazımdır.