Bakı. Trend:
2024-cü ilin yanvar ayında gömrük xətti ilə büdcə daxilolmaları 6.5% azalaraq 473 milyon 728.4 min manat təşkil edib.
Trend bu barədə Dövlət Gömrük Komitəsinə istinadən xəbər verir.
Məlumata görə, gömrük rüsumları üzrə daxilolmalar 136 milyon 951.8 min manat (ötən ilin eyni dövrünə nisbətən 12.3 % çox), əlavə dəyər vergisi (ƏDV) üzrə daxilolmalar 314 milyon 877.5 min manat (13.9% az), aksizlər üzrə daxilolmalar 18 milyon 507.3 min manat (24.7% çox), yol vergisi üzrə daxilolmalar isə 3 milyon 391.8 min manat (23.7% az) təşkil edib.