Bakı. Trend:
Kamboca Krallığının Pnompen şəhərində “Azərbaycan Respublikası Hökuməti ilə Kamboca Krallığının Hökuməti arasında gəlirə görə vergilərə münasibətdə ikiqat vergitutmanın aradan qaldırılması və vergidən yayınmanın qarşısının alınması haqqında Saziş” layihəsi üzrə birinci raund danışıqlar keçirilib.
Trend-ə bu barədə Dövlət Vergi Xidmətindən məlumat verilib.
Məlumata görə, Azərbaycan tərəfindən danışıqlarda İqtisadiyyat Nazirliyi yanında Dövlət Vergi Xidmətinin ekspertləri və Maliyyə Nazirliyinin səlahiyyətli nümayəndəsi, Kamboca Krallığı tərəfindən isə Maliyyə və İqtisadiyyat Nazirliyinin Vergi Departamentinin səlahiyyətli şəxsləri iştirak ediblər.
Müzakirələr nəticəsində saziş layihəsinin əksər maddələri üzrə razılıq əldə olunub, bir neçə maddənin razılaşdırılması məqsədilə danışıqların davam etdirilməsi qərara alınıb.