Bakı. Trend:
2026-cı ilin yanvar ayında Azərbaycanın qeyri-neft sektoru üzrə ixracı 2025-ci ilin müvafiq dövrü ilə müqayisədə 9% artaraq 268,4 milyon ABŞ dolları təşkil edib.
Trend xəbər verir ki, bu barədə İqtisadi İslahatların Təhlili və Kommunikasiya Mərkəzi “İxrac icmalı”nın 2026-cı il üzrə fevral sayında bildirilib.
Məlumata görə, hesabat dövründə ölkənin yeyinti məhsulları üzrə ixrac 22,6% artaraq 103 milyon ABŞ dollarına bərabər olub.
Cari ilin birinci ayında ixrac üzrə artım göstəriciləri aşağıdakı kimi olub:
-Şəkər: 169,3%
-Pambıq iplik: 137,6%
-Bitki və heyvan mənşəli piylər və yağlar: 90,8%
-Alüminium və məmulatlar: 39,5%
-Meyvə-tərəvəz: 32,1%
-Pambıq lifi: 23,2%
-Çay: 20,9%
-Spirtli və spirtsiz içkilər: 14,2%
“2026-cı ilin yanvar ayında aqrar məhsullar üzrə ixrac 32,6%
artaraq 85,7 milyon ABŞ dolları, aqrar sənaye məhsulları üzrə ixrac
21,9 milyon ABŞ dollarına bərabər olub. Bütövlükdə aqrar və
aqrar-sənaye məhsullarının birgə ixracı 23,8% artaraq 107,6 milyon
ABŞ dolları təşkil edib”, - məlumatda qeyd edilib.