Rusiya, Moskva / Trend , müxbir S.Əliyev, R.Ağayev/ Moskvada MDB-nin dəmir yol idarələrinin səhiyyə sahəsində əməkdaşlıq komissiyasının 25-ci iclası sona çatıb.
Komissiyanın iclasında dəmir yol nəqliyyatında səhiyyə idarələrinin rəhbərləri, Azərbaycan, Belarus, Gürcüstan, Qazaxıstan, Qırğızıstan, Rusiya, Özbəkistan, Ukraynanın dəmir yo idarələrinin nümayəndələri, Rusiyanın Səhiyyə Nazirliyinin istehlakçıların hüquqlarının müdafiəsi sahəsində nəzarət üzrə Federal Xidmətinin, Ukraynanın dəmir yol nəqliyyatında Mərkəzi Sanitar-Epidemiologiya Stansityasının təmsilçiləri iştirak ediblər.
İclasda 1997-2007-ci illər ərzində komissiyanın fəaliyyətinin yekunları, əməkdaşlığın inkişafının prioritet istiqamətləri, dövlətlərarası dəmir yor daşınmalarında sanitar-epidemioloji şəraitin təmin edilməsi kimi aktual məsələlər nəzərdən keçirilib.
Görüşün yekunu olaraq, iştirakçı dövlətlərin dəmir yol idarələrinə hər il sərnişin daşınmalarında sanitar-gigiyenik şəraitin yaradılması və uşaq kollektivlərinin daşınmasının təşkilinə xüsusi diqqət ayrılması tövsiyə olunub.
