Azərbaycan, Bakı / Trend , müxbir U.İsmayılova/ Azərbaycanın Dövlət Əmlakının İdarə Oluması üzrə Dövlət Komitəsi "Zaqatala mehmanxanası" SC-nin pullu hərracda satılmayan səhmlərinin satışı üzrə investisiya müsabiqəsinin keçirilməsinə dair elan verib.
Dövlət Komitəsinin məlumatında bildirilir ki, SC-nin 30,04 faiz səhmlərinin satışa çıxarılacağı müsabiqədə yerli investorlarla yanaşı, xarici səhmdarlar da iştirak edəcək.
Müsabiqənin şərtlərinə mehmanxana biznesinin inkişafı, inzibati binanın təmiri, kommunikasiya xətlərinin bərpası, yeni iş yerlərinin açılması daxildir.
"Zaqatala mexmanxana" SC-nin Nizamnamə kapitalı 329,9 min. manat təşkil edir. Buraxılan səhmlərin sayı 164,9 min., hər səhmin nominal qiyməti 2 manatdır. Müqabiqə üçün təklif olunan səhmlərin sayı 49,5 min. ümumilikdə nominal qiymət isə 99,1 min. manat təşkil edir.
İddiaçılar müvafiq sənədləri noyabrın 21-ə qədər təqdim etməlidirlər. İnvestisiya müsabiqəsi noyabrın 23-də keçiriləcək.
