Azərbaycan, Bakı / Trend müxbir U.İsmaylova/ Azərbaycanın iri lizinq şirkətlərindən biri olan "UniLeasing" QSC-nin idarə heyətinin yeni sədri bu gündən vəzifəsinin icrasına başlayır. Bu barədə bazar ertəsi şirkətdən məlumat verilib.
"İdarə heyətinin yeni sədri şirkətin Yasamal rayon filialının keçmiş rəhbəri olan Zakir Sadığov təyin olunub" - deyə şirkətdən bildiriblər.
"UniLeasing" QSC-nin idarə heyətinin keçmiş sədri Xalid Əskərov avqustda yeni təyinatı ilə əlaqədar olaraq könüllü surətdə öz postundan gedib, sentyabrdan isə onu müvəqqəti olaraq Kazım Səlimov əvəz edib.
2004-cü ildən fəaliyyət göstərən "UniLeasing" QSC 1,8 mln. manat ödənilmiş nizamnamə kapitalına malikdir. Şirkətin səhmdarı 33,33 faiz səhm ilə Avropa Yenidənqurma və İnkişaf Bankıdır.