Azərbaycan, Bakı/ Trend , müxbir S.Babayeva/ 2008-ci ildə Azərbaycanda, 7-si yeni olmaqla, 25 beynəlxalq sərgi keçiriləcək. Bu barədə bazar ertəsi sərginin təşkilatçısı İteca Caspian şirkətinin direktoru Fərid Məmmədov məlumat verib. Milli Toy (National Wedding)-18-20 mart, Bank texnologiyaları (BankTech)-8-9 aprel, Dəniz məhsulları və Balıqçılıq (Caspian SeaFood)-15-17 may, Mühafizə, Təhlükəsizlik və Xilasetmə vasitələri (CIPS)-17-19 sentyabr, Gəncədə tikinti (WestAzBuild)-13-15 may, Kitab yarmarkası (Book Fair) -2-4 oktyabr və Bakı hədiyyələr yarmarkası (Gift Fair)-6-7dekabr sərgiləri ilk dəfə olaraq keçiriləcək. Yarmaraklar son istehlakçı üçün nəzərdə tutulub. Sərgilərin statusunun artması ilə əlaqədar olaraq, bəzi layihələrin adları dəyişdiriləcək. Belə ki, qida sənayesinin ənənəvi Interfood Azerbaijan sərgisi gələcəkdə WorldFood Azerbaijan adlandırılacaq. Banklar və maliyyələr sərgi və konfranslarına Xəzər statusu veriləcək və o, Banklar və Xəzərin maliyyələri (Caspian Banking and Finance) adı ilə keçiriləcək. Böyük BakuBuild tikinti sərgisi bundan sonra Xəzər Tikinti həftəsi adı ilə təşkil olunacaq.
...