Azərbaycan, Bakı/ Trend müxbir İ.Xəlilova/ Bakı Fond Birjasının dövriyyəsi 5 mlrd. manatı ötməklə 2007-ci il üçün gözlənilən proqnozları geridə buraxıb. Bu barədə BFB-nin idarə heyətinin sədri Xəyal Abdinov məlumat verib. Onun sözlərinə görə bu il proqnozlar bir neçə dəfə müzakirə edilib lakin sonuncu məlumatlara görə birjanın dövriyyəsi 4.5 mlrd. Manat səviyyəsində proqnozlaşdırılıb. Əməliyyatların bu şəkildə artımı (ilin əvvəlində dövriyyə 3 mlrd. manat səviyyəsində proqnozlaşdırılıb) repo-əməliyyatlar üzrə dövriyyənin artması və Azərbaycan Milli Bankının notları (1.7 mlrd. manat) ilə şərtlənir. 2006-cı il ərzində 120 mln. manatlıq repo-əməliyyatlar həyata keçirilib. Dövlət kağızlarına tələbatın artması bankların sərbəst vəsaitlərinin olması ilə əlaqədardır. BFB-nin rəhbəri növbəti il üçün proqnozları açıqlamaqdan imtina edib. Belə ki, ölkənin fond bazarının imkanlarının öyrənilməsi davam edir. Bununla yanaşı fond bazarının imkanlarını öyrənmək üçün konfransların təşkili və mövcud alətlərin inkişaf etdirilməsi təcrübəsinin davam etdirilməsi planlaşdırılır. Azərbaycanın qiymətli kağızlarının ilkin açıq yerləşdirilməsinə həsr edilən birinci konfrans noyabrda, Bakıda, ikinci konfras isə Gəncədə keçrilib. Abdinovun sözlərinə görə regional konfranslar ölkənin üç rayonunda keçirilə bilər. "Ölkə regionlarında informasiya aclığı hiss olunur. Biz maarifləndirmə yolu ilə, qiymətli kağızların yerşləşdirilməsi üçün infrastrukturun tam hazırlığını göstərməklə şirkətləri fond bazarında iştiraka cəlb edəcəyimizi güman edirik"-Abdinov hesab edir. Tədbirlər öz qiymətli kağızlarını buraxmaq üçün potensial imkana malik açıq tipli səhmdar cəmiyyətləri üçün nəzərdə tutulub. Onun rəyinə görə, yaxın gələcəkdə şirkətlər vəsaitlərin cəlb edilməsi üçün İPO-ya ehtiyac olduğunu anlayacaqlar. Beləki onların qiymətləri artır və investorlar üçün cəlbedici olurlar.
...