Azərbaycan, Bakı/ Trend müxbir İ.Xəlilova/ 2008-ci ildə inflyasiyanın artım templərini maksimal olaraq 12-13% səviyyəsində saxlamaq üçün Azərbaycanın Milli Bankı və hökumət tərəfindən antiinflyasiya tədbirlərinin gücləndirilməsi tələb olunur. AMB-nin növbəti il üçün pul siyasətinin istiqamətlərinə dair dekabrın 28-də yaydığı məlumatda bildirilib ki, Milli Bank, əvvəlki illərdə olduğu kimi, pul kütləsini optimal səviyyədə saxlamaq üçün qısamüddətli notların istifadəsi ilə təkrar sterilizasiya əməliyyatları keçirmək niyyətindədir. 2007-ci ildə notlar üzrə həcm 1.7 dəfə artıb. Maliyyə Nazirliyi tərəfindən emitasiya edilən dövlət qısa müddətli istiqrazların emitasiya həcminin artması sterilizasiya əməliyyatlarının effektivliyinə müsbət təsir göstərəcək. Maliyyə bazarlarındakı vəziyyətdən asılı olaraq, AMB ölkədə faiz dəhlizininin parametrlərini və uçot dərəcələrini nizamlayacaq (2007-ci ildən o iki dəfə dəyişib-9.5%-dən 13%-dək). Bununla yanaşı, ölkədən kapitalın çıxarılması rejiminin liberallaşdırılması üzrə tədbirlərin həyata keçirilməsi davam etdiriləcək. Bu baza inflyasiyasını birrəqəmli səviyyədə saxlamağa icazə verəcək. AMB-nin məlumatında antiinflyasiya siyasətinin əsas istiqamətləri kimi, məcmu büdcənin qeyri-neft kəsirinin optimallaşdırılması, energetika sektorunda, əsasən də, kommunal sektorda ödəmələr üzrə büdcə-maliyyə intizamının gücləndirilməsi göstərilib.
...