Azərbaycan, Bakı, 9 yanvar Trend , müxbir İ.Xəlilova / Çərşənbə günü Azərbaycanın İqtisadi İnkişaf Nazirliyinin investisiya siyasəti bölməsinin rəhbəri Əsgər Ələkbərov bildirib ki, bərk tullantılar emalı zavodu tikinti layihəsi çərçivəsində məsləhət xidmətləri göstərən Britaniya şirkəti Curry& Brown tender sənədlərinin ilkin variantını təqdim edib.
Müqaviləyə əsasən, 16 həftə ərzində məsləhətçi, zibil emalı zavodunun tikintisi üçün podratçı və idarə heyəti seçimi tenderi keçirilməsi üçün sənədlər hazırlamaladır. Bundan əlavə, Bakıda və Abşeron yarmadasında bərk məişət tullantılarından istifadə edilməsi strategiyasını müəyyənləşməlidir.
Ələkbərovun sözlərinə görə, tender komissiyası məsləhətçinin hazırladığı sənədlə tanış olur, məhz bundan sonra tender elan edilə bilər.
Ehtimala görə, Azərbaycanda ilk məişət tullantılarının yandırılması və elektrik enerjisi istehsal edəcək ilk zavodun tikintisi 2008-ci ilin ilk yarısında başlanacaq.
Sənədlər, tenderdə iştirak etmək istəyən iddiaçılara təqdim olunacaq və 6 həftə ərzində təklif verə bilərlər. İlkin olaraq üç - Yaponiyanın EBARA, Avstriyanın EVN və Fransanın CNIM şirkətlərindən təklif gəlib. Onların qiymətləndirilməsini Finlandiyanın Poyri şirkəti aparıb.
Layihəyə əsasən, ilk zavodun illik həcmi 500 min ton olacaq. Burada müasir texnologiya tətbiq edilməklə, tullantılar yandırılaraq, elektrik enerjisi istehsal ediləcək.
Rəsmi məlumata görə, Bakıda və kənar ərazilərdə hər il 1 mln. tona yaxın məişət tullantısı yığılır.
Ləyihə tam şəkildə dövlət tərəfindən maliyyələşdiriləcək.
