Azərbaycan, Bakı, 1 fevral / Trend / Azərbaycanın Kənd Təsərrüfatı Nazirliyi yanında kənd təsərrüfatı kreditləri üzrə Dövlət Agentliyi "Şimal-şəqr regionlarının inkişafı layihəsi" çərçivəsində kənd təsərrüfatı texnikasının alınması üçün tender elan edib.
Dövlət Agentliyinin məlumatında bildirilir ki, tender vasitəsilə buldozer, traktor və müxtəlif kotan növləri daxil olamaqla, ümumilikdə 24 ədəd texnikanın alınması planlaşdırılır.
Tenderdə iştirak etmək üçün maraqılı olan şirkətlər öz təkliflərini martın 14-nə qədər Dövlət Agentliyinə təqdim etməlidirlər. Tender proseduru martın 14-də günorta keçiriləcək.
Azərbaycan hökumətinin Kənd Təsərrüfatı İnkişafının Beynəlxalq Fondu (IFAD) ilə birgə həyata keçirdiyi "Şimal-şəqr regionlarının inkişafı layihəsi"ndə məqsəd Abşeron, Dəvəçi, Siyəzən və Xızının suvarılan ərazilərində yaşayan 15012 ailənin həyat səviyyəsinin yaxşılaşdırılmasıdır. Layihənin ümumi dəyəri 25,2 mln. dollardır.
