...

Azərbaycan CAREC-də sədrliyi qəbul edib və 2008-ci il üçün tədbirlər tarixlərini razılaşdırıb

Biznes və iqtisadiyyat xəbərləri Materials 4 Fevral 2008 20:28 (UTC +04:00)

Azərbaycan, Bakı, 04 fevral/ Trend , müxbir İ.Xəlilova/ Bu gün Bakıda Azərbacyan hökuməti ilə CAREC proqramı (CAREC-Asiya regional iqtisadi əməkdaşlığı) çərçivəsində tədbirlərin keçirilməsi üzrə məsləhətləşmələr baş tutub. CAREC tədbirlərinin keçirilməsi üçün Asiya İnkişaf Bankının (AİB) missiyası Bakıdadır. Onun tərkibinə Regional əməkdaşlıq şöbəsinin direktoru Robert Siy və bankda regional əməkdaşlıq üzrə baş mütəxəssis Devid Krüqer daxildir.

Məsləhətləşmələrin yekunlarına görə, Siyin verdiyi məlumata görə, CAREC-ə üzr ölkələrin rəsmi yüksək vəzifəli şəxslərinin birinci iclası aprelin 24-25-ə planlaşdırılıb. İlkin razılaşmaya görə, ikinci görüş sentyabrın ikinci yarısına təyin edilib.

"Tədbirin kulminasiya nöqtəsi proqram iştirakçıları olan ölkələrin nazirlərinin konfransıdır. Konfrans noyabrın sonunda baş tutacaq. Gündəliyə çıxarılacaq məsələlərin ilkin siyahısı rəsmi yüksək vəzifəli şəxslərin birinci görüşündə müzakirə ediləcək", - Siy bildirib.

O, nəqliyyat dəhlizlərinin inkişaf strategiyası üzrə fəaliyyat planının hazırlanması imkanlarını və gündəliyə onun konfransda təsdiq edilməsi məsələsinin daxil edilməsini istisna etməyib. Təsdiqlənmək üçün energetik əməkdaşlıq planı, ticarətin inkişafı üzrə fəaliyyət planı hazırlana bilər.

Nazirlərin görüşünün keçirilməsinədək konfransda hesabat verməyə CAREC-in institutlaşdırılması konsepsiyası formalaşdırıla bilər. Siyin sözlərinə görə, ötən nazirlər konfransında konsepsiya təsdiq edilib. Lakin CAREC proqramının inkişafı istiqamətində araşdırmaların aparılması üçün ortamüddətli fəaliyyət planı lazımdır.

İqtisadi İnkişaf Nazirliyi Azərbaycan hökuməti tərəfindən CAREC proqramında koordinasiya idarəsidir.

CAREC səkkiz iştirakçı ölkənin (Əfqanıstan, Azərbaycan, ÇXR, Qazaxıstan, Qırğızıstan Respublikası, Monqolustan, Tacikistan və Özbəkistan) və altı təşkilatın (AİB, AYİB, BVF, İİB, BMT-nin İnkişaf Proqramı və Dünya Bankı) tərəfdaşlığıdır.

Proqram infrastruktur layihələrinin maliyyələşdirilməsi və nəqliyyat, ticarətə yardım, ticarət siyasəti və energetika kimi prioritet sahələrdə regional siyasətin yaxşılaşdırılmasına yönəlib.

Xəbər lenti

Xəbər lenti