Azərbaycan, Bakı, 12 fevral / " Azərbaycanın "Ata Leasing" Şirkətinin 2007-ci ilin yekunu üzrə portfeli 2,5 mln. manat təşkil edib ki, bu da 2006-cı ilə nisbətdə 93,1 faiz çoxdur. Bu barədə Şirkətin çərşənbə axşamı yayılan məlumatında bildirilir.
Məlumatda bildirilir ki, il ərzində Şirkət 2,7 mln. manat həcmində 47 lizinq müqaviləsi bağlayıb.
İlin yekunu üzrə Şirkətin gəlirləri 182,1 mln. manat təşkil edib. Gəlir göstəriciləri belədir - kapitala nisbətdə gəlirlər (ROE) - 28 faiz, aktivlərə nisbətdə gəlirlər (ROA) - 5,62 faiz.
Seqment göstəriciləri üzrə portfelin 24 faizi qida və yüngül sənaye, 21 faizi nəqliyyat bölməsi, 13 fazi ticarət bölməsi, 17 faizi tikinti, 8 faizi yol infrastrukturu, 6 faizi kommunal təsərrüfat, 3 faizi mənzil tikintisinin payına düşüb.
2007-ci ildə şirkət ISO 9001:2000 sertifikatı alıb və Nizamnamə kapitalını 1 mln. manata qədər artırıb.
