Azərbaycan, Bakı, 20 fevral/ Trend , müxbir İ.Xəlilova/ Azərbaycan hökuməti və Dünya Bankı arasında Azərbaycanın kiçik şəhərlərində ikinci su təchizatı və kanalizasiya sisteminin yaxşılaşdırılması layihəsi üzrə rəsmi danışıqlar 13-14 marta təyin edilib. Bu barədə çərşənbə günü DB-nin Bakı nümayəndəliyindən məlumat veriblər. Bankın krediti iki hissədən ibarət olacacaq - Beynəlxalq Yenidənqurma və İnkişaf Bankı şərtləri ilə $230 mln. , Beynəlxalq İnkişaf Assosiasiyası şərtləri əsasında isə - $30 mln. ayrılacaq.
Hökumətin layihədə iştirak payı danışıqların gedişində müəyyən ediləcək.
Layihə 21 rayonu əhatə edəcək. Onlardan 5-i NMR-dədir.Qalan layihələr Kürdəmir, Ucar, Zərdab və digər istiqamətlərdədir.
DB 22 rayonun daxil olduğu birinci su layihəsinə artıq $230 mln. ayırıb. Layihənin ümumi dəyəri $310 mln.-dır. [DB-nin Direktorlar Şurası 2007 - ci il iyunun 14-də krediti təsdiqləyib.]
Layihəyə üç komponent daxildir. "Rayon investisiyaları" komponenti su təchizatı və kanalizasiya sistemlərinin bərpası və genişləndirilməsi üçün maliyyələşdirməni nəzərdə tutur. "Bakı komponenti üçün regional inkişaf planı" - Bakıya dair regional inkişaf planının redaktəsini maliyyələşdirir. Plan Abşeron yarımadasının eninə infrastrukturlara (su təchizatı və kanalizasiya sistemlərinə investisiyaların yatırılması da daxil olmaqla) gələcək investisiyalar üçün strukturu təmin edəcək. "İnstitusional yeniləşdirmə" komponenti su təchizatı və təmizləmə üzrə xidmətlərin effektivlik və dayanıqlılığını artırmaq məqsədilə "Azərsu" ASC və onun filialları kimi, Naxçıvandakı Meliorasiya və Su Təsərrüfatı üzrə Dövlət Agentliyinin yeniləşdirilməsi üçün lazım olan əsas islahatların inkişafı və yerinə yetirilməsinə yönəlib.
DB-nin ekspertlərinin qiymətlərinə görə, Azərbaycanın kiçik şəhərlərində su tədarükü və kanalizasiya infrastrukturunun dəstəklənməsinə məhdud kapital investisiyaları və uzunmüddətli istismarı səbəbindən, onların vəziyyəti qənaətbəxş deyil. Bu obyektlərin vəziyyəti ictimai sağlamlığa mənfi təsir göstərir və ekoloji mühitin tənəzzülü riskini artırır. Birinci layihənin reallaşdırılması nəticəsində, ən azı 700 min nəfər su ilə təmin olunacaq, kanalizasiya xidmətlərindən istifadə edə biləcəklər. Bu layihənin reallaşdırılması 2012-ci ilədək hesablanıb.
Məqalə müəllifinin ünvanı: [email protected]
