Azərbaycanın lizinq şirkəti fevral ərzində fəaliyyətinin nəticələrini açıqlayıb
Azərbaycan, Bakı, 13 mart/ " müxbir Ü.İsmayılova/ Azərbaycanın lizinq şirkəti Ata Leasing fevralda 220,7 min manat məbləğində beş lizinq müqaviləsi bağlayıb. Bu barədə şirkətin cümə axşamı yayılan məlumatında deyilir.
Məlumatda deyildiyi kimi, fevralın sonuncu gününə şirkətin portfeli 2,7 mln. manat təşkil edib. Portfelin 88,5 faizi Bakı, 11,5 faizi ölkə regionlarının payına düşür.
Portfel sektorlar üzrə bu şəkildə paylanıb: tikinti sektoru - 22 faiz, sənaye istehsalı - 21faiz, nəqliyyat sektoru - 18 faiz, ticarət sektoru - 12 faiz, qida sənayesi - 8 faiz, yol infrastrukturu - 6 faiz, kommunal təsərrüfat - 3 faiz, ev tikintisi - 2 faiz, xidmətlər sahəsi - 1 faiz, səhiyyə - 1 faiz.
Ata Leasing lizinq şirkəti Ata Bank-ın törəmə şirkətidir. Azərbaycanın lizinq bazarında 2004-cü ildən fəaliyyət göstərir.
Məqalə müəllifinin ünvanı: [email protected]
