Azərbaycan, Bakı, 18 mart / Trend , müxbir Ü.İsmayılova / Azərbaycanın İqtisadi İnkişaf Nazirliyi yanında İstehlak Bazarına Nəzarət üzrə Dövlət Xidməti "İstehlakçıların hüquqları haqqında" yeni Qanun layihəsi hazırlayır. Bu barədə çərşənbə günü Dövlət Xidmətinin rəhbəri Xaliq Məmmədov məlumat verib.
"Biz ümid edir ki, istehlakçıların hüquqlarını daha yüksək səviyyədə qoruyacaq yeni Qanun, 2008-ci ilin sonlarınadək qəbul olunacaq" - deyə Məmmədov bildirib.
Hazırda qüvvədə olan "İstehlakçıların Hüquqları haqqında" Qanun 1995-ci ildə qəbul olunub.
Məmmədovun sözlərinə görə, qanun layihəsinin əsasını istehlakçıların hüquqlarına həsr olunmuş bu günkü konfransın yekunları təşkil edir. Konfransda üç əsas məqam qeyd olunub:
- qanunverici bazanı ÜTT prinsipləri əsasında təkmilləşdirmək;
- 2008-2012-ci illər üçün istehlakçıların hüquqlarının qorunması üzrə Dövlət Proqramının yenidən işlənməsi;
- standartlaşdırma və sertifikatlaşdırma sistemlərini ÜTT prinsipləri əsasında təkmilləşdirmək.
Əvvəllər "İstehlakçıların Hüquqları haqqında" Qanunun təkmilləşdirilməsi təklifi ilə Azərbaycanın Azad İstehlakçılar Birliyi QHT-nin rəhbəri Eyyub Hüseynov qeyd edirdi ki, qüvvədə olan Qanun istehlakçıların hüquqlarını müdafiə etmir və istehlakçı bazarda inhisarın artmasını təmin edir.
Azərbaycanın İqtisadi İnkişaf Nazirliyi yanında Antiinhisar Xidmətinin rəhbəri Samir Dadaşov isə, ölkənin ərzaq bazarında inhisarın mövcudluğu faktını inkar edir.
Müəlliflə əlaqə ünvanı: [email protected]
