Azərbaycan, Bakı,19 mart / Trend , müxbir Ü.İsmayılova / "Caspian Property Services" qiymətləndirici şirkəti Azərbaycanın daşınmaz əmlak bazarının tam stabil qiymətlərini təsdiq edib. Daşınmaz əmlakın aylıq artımı makroiqtisadi göstəricilərin kompensasiyası ilə bağlıdır.
"Hazırda bazarda daşınmaz əmlaka tələbatın artımı müşahidə olunmur. Qiymətlərin artımı sünidir, daim artan inflyasiya nəticəsində yaranır" - deyə çərşənbə günü "Caspian Property Services" şirkətindən məlumat verilib. Rieltorlar daşınmaz əmlakın satışında inflyasiyanın səviyyəsini nəzərə alır.
"Mart ayında daşınmaz əmlakın qiymət artımı 3-5 faizi təşkil edib"- deyə şirkətdən bildirilib.
Dövlət Statistika Komitəsinin məlumatına görə, istehlakçı məhsullar və xidmətlər tariflərinin artım tempi fevral ayında 2008-ci ilin yanvar ayı ilə müqayisədə 2,2 faiz, keçən ilin yanvar və fevral aylarında isə, 15,7 faiz təşkil edib.
"Daşınmaz Əmlak Bazarı İştirakçıları"İctimai Birliyinin məlumatına görə, fevral ayında Bakıda keçirilən daşınmaz əmlakın ilkin bazarında bir kvadratmetr yaşayış sahəsinin qiyməti, orta hesabla, 1057 dollar, təkrar bazarda isə, bir kvadratmetr yaşayış sahəsinin qiyməti, orta hesabla, 1720 dollar olub.
Müəlliflə əlaqə ünvanı: [email protected]