Azərbaycan, Bakı, 30 mart / Trend , müxbir Ü.İsmayılova / Bazar sağlam olsa, yeni "Sığorta fəaliyyəti" haqqında Qanun sığorta bazarının inkişafına zəmin yaradacaq. "Azergarant" sığorta şirkətinin idarə heytinin sədri Şükür Hüseynov bilidirib.
"Yeni qanun bazarın bütün iştirakçılarının ixtisasının yüksəlməsi və inkişafını nəzərdə tutur" - deyə Hüseynov qeyd edib.
Yeni "Sığorta fəaliyyəti" haqqında Qanun mart ayının 15-dən qüvvədədir. Qanun sığorta sistemi, bazarın ixtisaslaşmış iştirakçıları, sığortaçılar və təkrar sığortaçıların əsas istiqamətini və inkişaf prinsiplərini, eləcə də dövlət sığorta nizamlayıcısı və nəzarətinin iqtisadi əsasları və hüquqlarını təyin etməlidir.
"Sığorta bazarında sağlam rəqabət yaradılsa, bu, sığorta işinin beynəlxalq standartlarına uyğun gələcək" - Hüseynov bildirib.
Azərbaycan sığorta bazarında 28 sığorta və bir təkrarsığorta şirkəti fəaliyyət göstərir. 2007-ci ilin yekunlarına görə, şirkətlərin yığımlarının ümumi həcmi 35,62 mln. manat ödənişlə 147,2 mln. manat təşkil edib. 2007-ci ilin yekunlarına görə, sığorta bazarının lider onluğuna 5 mln. manatdan 20 mln. manat sığorta pulu göstəricilərinə malik şirkətlər daxildir. 2007-ci il ərzində yığım üzrə ən az göstərici "Nisan Sığorta" şirkətində - 0,06 mln. manat, ən yüksək göstərici isə "AzerSığorta" dövlət kommersiya sığorta şirkətində 20,68 mln. olub. Ən iri və zəif şirkətlər arasında yığım həcminin fərqi 350 dəfəyə yaxındır.
Müəlliflə əlaqə saxlamaq üçün elektron ünvan: [email protected]