...

Əcnəbi sərmayədarlar Azərbaycanın sığorta məhsulları səbətini artıracaqlar – bazarın iştirakçısı

Biznes və iqtisadiyyat xəbərləri Materials 3 Aprel 2008 20:24 (UTC +04:00)

Azərbaycan, Bakı, 03 aprel/ Trend , müxbir Ü.İsmayılova/ Azərbaycanın sığorta bazarında 100 faiz əcnəbi kapitala məxsus şirkətin iştirak etməsi rəqabətin güclənməsinə səbəb olacaq. Bu barədə cümə axşamı şirkətin baş direktorunun müavini Xəyal Məmmədxanlı məlumat verib.

"Əcnəbi şirkətlərin iştirakı sığorta məhsulları növlərinin artması demək olacaq", - o qeyd edib.

Azərbaycanda "Sığorta fəaliyyəti haqqında" yeni Qanun martın 15-də qüvvəyə minib. Qanuna əsasən, əcnəbi kapitala 49 faiz səviyyəsində tətbiq edilmiş qadağa aradan qaldırılıb. Bundan sonra sərmayədarlar şirkətin 100 faiz kapitalına malik ola bilərlər.

Məmmədxanlının sözlərinə görə, Azərbaycanın sığorta bazarı hazırda məhsulların çeşidi baxımından yoxsuldur. Əcnəbi şirkətlər dünya bazarında geniş yayılmış məhsulları tətbiq edəcəklər.

"Öz növbəsində, yerli şirkətlər də bu sığorta növlərini təklif etməyə başlayacaqlar və bu, sağlam rəqabətə gətirəcək", - o bildirib.

2006-cı ildən fəaliyyət göstərən Az Sigorta 28 növ sığorta xidməti göstərir və bunlardan üçü məcburidir. Şirkətin 2007-ci ilin yekunlarına görə, ilk dəfə olaraq beş mln. manat təşkil edən yığımların həcminə görə, Azərbaycanın sığorta şirkətləri arasında liderlərin onluğuna daxil olub.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti