Azərbaycan, Bakı, 14 aprel/ " müxbir İ.Xəlilova/ İqtisadi siyasət üzrə parlament komissiyası Azərbaycanın Hesablama Palatasından (HP) Azərbaycanda dünya qiymətlərinin artması bəhanəsi altında baş verən süni qiymət artımına yol verməmək məqsədilə, dünya iqtisadiyyatında qiymətlərin dinamikasını izləməyi xahiş edib. Bu barədə komissiyanın sədri Ziyad Səmədzadə bazar ertəsi Milli Məclisdə bildirib.
"Bütün dünyada qlobal problem kimi qeyd edilmiş ərzaq təhlükəsizliyi çərçivəsində, istehsal həcminə təsir etdiyi üçün, qiymət siyasətinə diqqət yetirmək çox vacibdir", - Səmədzadə qeyd edib.
Onun sözlərinə görə, dövlət, 2009-2010-cu illərdə ərzaq təhlükəsizliyi üzrə hökumətin strategiyası çərçivəsində, aqraq sahənin inkişafına dəstəyi genişləndirmək niyyətindədir. Bu, kənd təsərrüfatı məhsulları istehsalı üçün lazımi texnika ilə təminatda, güzəştlərin təqdim edilməsində öz əksini tapacaq.
Hökumət bununla əlaqədar, kənd təsərrüfatı məhsulları istehsalçıları üçün müddəti 2008-ci ilin sonunda başa çatan vergi tətillərini uzatmaq niyyətindədir. Səmədzadə hazırda Vergilər Nazirliyində vergi güzəştlərinin təsir müddətinin artırılması haqqında təklifin hazırlandığını qeyd edib.
Azərbaycanın aqrar sektorunun maliyyə ehtiyatlarına təlabatı $1,2-1,3 mlrd. qiymətləndirilir. Qiymətləndirmə Dünya Bankının yardımı ilə hökumət tərəfindən, Azərbaycanın kənd təsərrüfatının inkişaf strategiyasının hazırlanması çərçivəsində aparılıb.
Hazırda dövlət dəstəyi aqrar bölmənin inkişafı üçün beynəlxalq maliyyə təşkilatlarından cəlb edilmiş vəsaitlərlə gücləndirilir. Bundan əlavə, 2007-ci ildən başlayaraq, kənd təsərrüfatının kreditləşməsi üçün dövlət büdcəsindən 5 mln. manat ayrılıb. Bu vəsait 2008-ci il üçün dövlət büdcəsində də müəyyən edilib. Lakin 2009-cu ildə dövlət büdcəsindən bu məqsədlərə ayrılan vəsaitlər artırılacaq - 30 mln. manat ayırmaq nəzərdə tutulur.
2005-ci ildən başlayaraq "Aqrolizinq" xətti ilə kənd təsərrüfatı texnikasının güzəştli alqısı üçün dövlət büdcəsindən 103,5 mln. manat ayrılıb.
Azərbaycan Milli Bankının aprelin 14-nə rəsmi məzənnəsi 0,831 AZN/USD təşkil edir.
Müəlliflə əlaqə saxlamaq üçün elektron ünvan: [email protected]
