Azərbaycan, Bakı, 24 aprel/ Trend İ.Xəlilova/Qazaxıstan 2015-ci ilədək nəqliyyat infrastrukturunu təkmilləşdirməyi planlaşdırır. Bu neft-qaz layihələrinin reallaşdırılması və ölkə iqtisadiyyatının inkişafı ilə bağlı olaraq zəruridir. Bu barədə Trend -a cümə axşamı Bakıda, Qazaxıstanın Nəqliyyat Nazirliyinin Tranzit Siyasəti İdarəsinin rəisi Svetlana Qonova məlumat verib. Onun rəyinə görə, həmçinin ölkənin ixrac potensialının artması Qazaxıstan yüklərinin dünya bazarlarına çatdırılması üçün ən qısa marşrutların yaradılmasına yadım edəcək.
Nəqliyyat dəhlizlərinin inkişafının nəticəsində Qazaxıstan 2015-ci ilə yüklərin tranzitindən əldə edilən gəlirin 2007-ci ildəki 60 mlrd. tengeden 136 mlrd. tengeyədək artacağını gözləyir. Tranzit yüklərin artım dinamikası belədir: 2010-cu ildə 16,4 mln. ton, 2012-ci ildə 23 mln. ton, 2015-ci ildə isə 32,8 mln. ton həcmində artım gözlənilir.
Qazaxıstan ərazisində avtomobil nəqliyyatı infrastrukturunun təkmilləşdirilməsi çərçivəsində Aktau-Atırau, Bineo-Aktau, Bineo-Şalkar yollarının tikintisi planlaşdırılır.
Onun sözlərinə görə, bu il mülki aviasiyada Aktau hava limanında yeni terminalın tikintisi planlaşdırılır. Bunun nəticəsində hava limanın buraxma gücü saatda 450-650 sərnişinədək artacaq.
"Xəzəryanı zonada birinci növbədə infrastrukturun inkişafına, əhalinin və iqtisadiyyatın tələblərinin ödənilməsinə yönəlmiş çox sayda böyük nəqliyyat layihələri var, - Qonova qeyd edib. Bütün bu tədbirlər isə yalnız Bakı-Tbilisi-Ceyhan neft kəmərinə qoşulmaqla deyil, həm də Qazaxıstanda çox sayda qaz və neft yataqlarının işlənilməsi ilə bağlı da həyata keçirilir".
Müəlliflə əlaqə saxlamaq üçün elektron ünvan: [email protected]
