Azərbaycan, Bakı, 07 may/ Trend , müxbir İ.Xəlilova/ "Azərbaycan İnvestisiya Şirkəti" (AİŞ) Səhmdar Cəmiyyəti ölkədə yaradılan Meyvə Korporasiyasında 15-20 faiz iştirak payı almağa hazırdır. Bu barədə çərşənbə axşamı AİŞ icraçı direktorunun müavini Riad Qasımov məlumat verib.
"AİŞ-in iştirak payı qiymətləndirmədən asılıdır. Belə ki, Korporasiyada bir neçə şirkət birləşəcək, - Qasımov qeyd edib. Qiymətləndirmə niyyət memorandumunun imzalanmasından dərhal sonra başlayacaq".
Ölkədə meyvə istehsalı bazarının vəziyyətinin, həmçinin, şirkətlərin korporasiyaya veriləcək aktivlərinin qiymətləndirilməsi üçün dörd aparıcı dünya şirkəti arasından (Ernst& Young, Price Waterhouse Coopers, Deloitte və KPMG) beynəlxalq Konsaltinq Şirkətini cəlb etmək planlaşdırılır. Meyvə Koprorasiyasının yaradılması layihəsinin təşəbbüsçüsü - Azərbaycan İxrac və İnvestisiyaların Təşviqi Fondu (AZPROMO) auditorun seçilməsinə dair qərar qəbul etməyi AİŞ-ə buraxıb.
Qasımovun sözlərinə görə, Konsaltinq Şirkəti aktivlərin qiymətləndirilməsindən əlavə, zərurət yarandıqda Korporasiyanın fəaliyyətinin auditini aparacaq.
"Korporasiyada birləşən şirə istehsalçıları daha yüksək səviyyədə rəqabətqabiliyyətli məhsul yarada biləcəklər, - investisiya şirkətinin direktor müavini bildirib. Şirkətin məqsədlərindən birinin ixracyönümlü məhsulunun dəstəklənməsi olacağını nəzərə alaraq, şirkətlərin belə alyanslarda birləşməsinin daha yaxşı olacağı qərarına gəlmişik".
Müasir texnologiyalardan istifadə nəzərdə tutulduğu üçün, hazırda təcrübə mübadiləsi aparılır. Qasımovun sözlərinə görə, bir neçə şirkətin birdən istifadəsi asan olur. Belə ki, onların hər birinin öz mənfi və müsbət cəhətləri var və bu şirkətlərin üstünlüklərini birləşdirərək, yaxşı şirə alyansı yaratmaq olar. Bu təşəbbüsün digər məqsədi bu şirkətlərin və ümumilikdə bütün bazarın, əlaqədar məhsulların (meyvələrin) inkişafının stimullaşdırılması olub. Bu, kənd təsərrüfatının inkişafına da təkan olacaq.
AZPROMO-nun İxracın Təşviqi Departamentinin direktoru Emil Əliyev çərşənbə günü bildirib ki, Meyvə Korporasiyasının yaradılması haqqında niyyətlər memorandumunun növbəti həftə imzlanacağı gözlənilir. Bu gün artıq beş şirə istehsalçısı olan şirkət öz səylərini birləşdirilməsi haqqında arzularını bildiriblər.
Memoranduma AİŞ, Konsaltinq Şirkəti, şirə və tərəvəz istehsalçıları qoşulacaqlar. Hər şirkətin Korporasiyaya qoşulması onların verdikləri istehsal güclərinin audit şirkəti tərəfindən qiymətləndirilməsi ilə müşayiət olunacaq.
Korporasiya yerli şirə istehsalçılarının xarici bazarlarda təmsilçisi rolunu oynayacaq, istehsalın beynəlxalq standartlara uyğun vəziyyətə gətirilməsinə yardım edəcək, vahid brend altında ixraca çıxacaq.
Bu gün ölkədə 13 iri, 40-a yaxın kustar istehalçı var. Şirə istehsalının yüksək rentabelliliyini nəzərə alaraq, demək olar ki, ölkədəki bütün konserv və ət-süd müəssisələri şirə buraxılması üzrə istehsal xətlərinə malikdirlər.
Müəlliflə əlaqə saxlamaq üçün elektron ünvan: [email protected]