Azərbaycan, Bakı, 27 may / Trend müxbir İ.Xəlilova/ Azərbaycan hökuməti ölkənin kənd təsərüfatı istehsalçıları üçün vergi güzəştlərini beş ilədək artırmağı planlaşdırır. Bu haqda maliyyə nazirinin müavini Azər Bayramov bildirib.
2008-ci ildə növbəti beş il ərzində bütün vergilərdən (torpaq verqisi istisna olmaqla) azad olunmuş kənd təsərrüfatı istehsalçıları vergilərinin ödənilməsi moratoriyasının müddəti bitir.
Onun fikrincə, dünya ərzaq təhlükəsizliyi problemi şəraitində güzəştlərin ləğv edilməsi haqqında söz ola bilməz.
"Azərbaycan üçün yaxın 10 ildə ölkənin aqrar sektorunun hazırki ekstensiv inkişafında vergi güzəştlərinin ləğvi aktual deyil", - nazir müavini qeyd edib.
Bayramov hesab edir ki, bu inkişaf tempi ilə dövlət büdcəsi fermerlərin büdcəyə vergi ödəməmələrindən az şey itirir.
"Azərbaycanda bazarda ciddi təkliflərlə çixiş edə biləcək iri fermer təsərrüfatları yaradılmayınca dövlət büdcəsinə əhəmiyyətli dərəcədə daxil olmalar haqqında danışmaq yersizdir ", - nazir müavini əlavə edib.
Müəlliflə əlaqə saxlamaq üçün elektron ünvan: [email protected]
