Azərbaycan, Bakı, 30 may / Trend müxbir İ.Xəlilova, E.İsmayılov/ Azərbaycanın Milli Bankı (AMB) "Naxçıvanbank" ASC kommersiya bankına bank fəaliyyətini həyata keçirməsi üçün lisenziya təqdim edib. Bu haqda bankın kapitalında 30 faiz səhmin sahibi "Cahan Holding" -in prezidenti Vüqar Abbasov bildirib.
Bu, Azərbaycanda sayca ikinci regional bankdır. O, bank fəaliyyətini Naxçıvan Muxtar Respublikası ərazisində həyata keçirəcək. İlk bank - "Ganja Bank" - 1994-cü ildə Gəncədə təsis olunub.
Abbasovun sözlərinə görə, yeni bank 2008-ci ilin ikinci yarısından fəaliyyətə başlayacaq. O, iqtisadiyyatın kreditləşməsi, lizinq əməliyyatlarının keçirilməsi və digər bank xidmətlərinin göstərilməsi üzrə ixtisaslaşan universal bank olacaq.
Qısa müddət ərzində Naxçıvanda, Bakıda və Azərbaycanın bəzi rayonlarında (Gəncə, Quba) bank filialının açılması planlaşdırılır.
Bir səhmin nominal dəyəri 10 manat olan bank, 10 mln. manat Nizamnamə kapitalı əsasında yaradılır.
"Bizim biznes ölkədə hazırda fəaliyyət göstərən banklarla rəqabətə girməyə imkan yaradacaq, - bank səhmdarı hesab edir. - "Naxçıvanbank"ın üstünlüyü regionların inkişafına kömək edən ikinci regional bank olmasıdır".
"Naxçıvanbank" yeddi fiziki şəxs tərəfindən təsis edilib. T?siscil?rd?n biri 300 min paya sahib olacaq Türkiyə vətəndaşıd?r. Bankın Nəzarət Şurasında Xuraman Mircavadova, Vasif Kazımov və Əlidadaş Babayev daxil olacaq.
Hazırda Azərbaycanda 21-i əcnəbi kapitalın iştirakı olan 46 bank fəaliyyət göstərir.
Müəlliflə əlaqə saxlamaq üçün elektron ünvan: [email protected]