Azərbaycan, Bakı, 12 iyun / Trend , müxbir U.İsmayılova / Rəsmi mətbuatın məlumatına əsasən, Azərbaycan prezidenti İlham Əliyev Səudiyyə Ərəbistanı ilə iqtisadiyyat, ticarət, sərmayə, texnika, mədəniyyət, idman və gənclər sahəsində əməkdaşlıq üzrə birgə hökumətlərarası komissiyanın yeni tərkibini təsdiq edib.
Azərbaycan tərəfindən komissiyanın sədri Azərbaycan Baş nazirinin birinci müavini Yaqub Eyyubov təyin olunub.
Sənaye və energetika naziri Natiq Əliyev, əmək və əhalinin sosial müdafiəsi naziri Füzuli Ələkbərov, xarici işlər nazirinin müavini Xələf Xələfov, maliyyə nazirinin müavini Azər Bayramov, iqtisadi inkişaf nazirinin müavini Niyazi Səfərov, kənd təsərrüfatı nazirinin müavini Bəhram Əliyev, mədəniyyət və turizm nazirinin müavini Ədalət Vəliyev, təhsil nazirinin müavini İsgəndər İsgəndərov, səhiyyə nazirinin müavini Sənan Kərimov, rabitə və informasiya texnologiyaları nazirinin müavini İltimas Məmmədov, gənclər və idman nazirinin müavini İntiqam Babayev komissiyanın tərkibinə daxil ediliblər.
Həmçinin, Dövlət Gömrük Komitəsinin sədr müavini Səfər Mehdiyev, Dövlət Neft Şirkətinin (ARDNŞ) vitse-prezidenri Elşad Nəsirov, Mülki Aviasiya üzrə Dövlət İdarəsinin direktoru Arif Məmmədov, Milli Bank İdarə Heyətinin sədr müavini Vadim Xubanov, Milli Elmlər Akademiyasının vitse-prezidenti Arif Həşimov, Azərbaycanın Səudiyyə Ərabistanındaki səfiri Tofiq Abdullayev, Nazirlər Kabinetinin Beynəlxalq Əlaqələr üzrə Aparatının şöbə rəisi Ağadayı Ağayev də (komissiyanın katibi qismində) komissiyanın tərkibində təsdiq olunublar.
Müəlliflə əlaqə saxlamaq üçün elektron ünvan: [email protected]
