Azərbaycan, Bakı, 13 iyun / Trend , müxbir İ.Xəlilova / Azərbaycan hökuməti Sahibkarlığa Dəstək Milli Fondunun (SDMF) hesabına maliyyələşən kreditlər üzrə faiz tariflərinin artırılmasını müzakirə etmir. Bu barədə cümə günü iqtisadi inkişaf naziri Heydər Babayev bildirib. Qüvvədə olan maliyyə qaydalarına əsasən, səlahiyyətli banklar SDMF-dən bir faiz üzrə vəsait alaraq, kreditləri yeddi faizi ötməyən tariflərlə verir.
"Yəqin ki, onlar əvvəlki səviyyədə qalacaq, çünkü sözügedən mexanizm yaxşı işləyir, - deyə nazir bildirib. Banklar layihələrin maliyyə ekspertizasını aparır, buna görə də vəsaitlərin qaytarılması üzrə məsulliyyət daşıyır".
Onun sözlərinə görə, hazırda özünü maliyyələşdirmə prinsipinə keçidlə əlaqədar qaydaların təkmilləşdirilməsi üzrə işlər görülür. Dövlət hər il büdcədən eyni maliyyə həcmi (80 mln. manat) ayırır, lakin sahibkarların güzəştli maliyyə vəsaitlərinin ümumi həcmi artır, bu da bank sektoruna mənfi təsir göstərir.
"Məhz buna görə büdcədən maliyyələşdirməni dayandırmaq lazımdır, öz növbəsində, Milli Fond, əvvəllər verilmiş kreditlərin SDMF-ə qaytarılması hesabına, sahibkarların növbəti maliyyələşdirilməsi üçün banklara vəsait verilməsini davam etdirəcək", - deyə Babayev dəqiqləşdirib.
İqtisadi inkişaf nazirliyi təkliflərini baxılması üçün prezident Aparatı və digər dövlət strukturlarına artıq göndərib. İqtisadi İşnkişaf Nazirliyinin hesablamalarına əsasən, SDMF-nin özünümaliyyələşdirməyə keçməsi və büdcə dəstəyindən imtina 2013-cü ildə mümkün olacaq.
Son dörd il ərzində SDMF-nin vəsaitləri hesabına 6194 sahibkar bütövlükdə 235,6 mln. manat məbləğində güzəştli kredit alıb. Maliyyələşdirilən layihələrin həyata keçməsi nəticəsində, 60 minə yaxın yeni iş yerlərinin açılması təmin olunacaq.
2009-cu ildə büdcədən məliyyələşdirmə dayandırldığı halda, bu, vəsait çatışmamazlığı yaradacaq, çünki vəsaitlərin qaytarılması hələki cüzidir və gələn il təxminən 30 mln. manat səviyyəsində gözlənilir.
2006-cı il dekabrın 28-də təsdiq olunmuş Milli Fond vəsaitlərinin mənimsənilməsi qaydalarına əsasən, mikro və kiçik kreditlərin verilməsi müddəti iki ilə qədər, orta - üç ilədək, böyük - beş il, iri - yeddi il müəyyənləşdirilib. SDMF-nin Nəzarət Şurasının qərarına əsasən, kreditlərin verilməsi müddəti üzrə istisnalar ola bilər. Bir sahibkara düşən maksimal kredit həcmi 3 mln. manatdır.
Kredit vəsaitləri müsabiqə yolu ilə seçilən 32 səlahiyyətli kredit təşkilatı (27 bank, bir qeyri- bank kredit təşkilatı və dörd kredit ittifaqı) tərəfindən paylanılır. Respublikada 46 bank fəaliyyət göstərir.
Müəlliflə əlaqə saxlamaq üçün elektron ünvan: [email protected]
