Azərbaycan, Bakı, 17 iyun / Trend , müxbir U.İsmayılova / Yanvar-mayda Azərbaycan Əhalinin Sosial Müdafiə Fondunun gəlirləri, operativ məlumatlara əsasən, 537,33 mln. manat təşkil edib, bu da 2007-ci ilin anoloji dövr göstəricisi ilə müqayisədə 137,2 mln. manat və ya 34,29 faiz çoxdur. Bu barədə çərşənbə axşamı Fonddan bildirilib.
İcbari sosial sığorta üzrə sığorta haqları gəlirləri 321,12 mln. manat təşkil edib, bu da 2007-ci ilin anoloji dövr göstəricisinə nisbətdə 79,72 mln. manat çoxdur. Büdcə təşkilatlarından gəlirlər - 121,88 mln. manat, qeyri büdcə təşkilatlarından - 199,24 mln. manat təşkil edib.
Bu dövr ərzində dövlət büdcəsinə köçürmələr 214,76 mln. manat təşkil edib, bu da ötən ilin yanvar-mayı ilə müqayisədə 56,63 mln. manat çoxdur. Digər gəlirlər 1,45 mln. manat təşkil edib.
Yanvar-mayda Fondun məxarici 516,68 mln. manat təşkil edib, bu da ötən ilin anoloji dövr göstəricisinə nisbətdə 119,89 mln. manat çoxdur.
Əhaliyə ödəmələr 502,85 mln. manat təşkil edib. Bu ,2007-ci ilin yanvar-mayı ilə müqayisədə, 120,28 mln. manat çoxdur.
