Azərbaycan, Bakı, 18 iyun / Trend / Cari ilin may ayında Azərbaycan Daşınmaz Əmlakın Dövlət Reyestr Xidmətində (DƏDRX) daşınmaz əmlakın qeydiyyata salınması üçün 4697 müraciət qeydə alınıb. Bu barədə DƏDRX-nın çərşənbə günü yayılan məlumatında bildrilir.
May ayı əzində DƏDRX-də 2523 ədəd daşınmaz əmlak pasportu tərtib edilib.
Məlumatda bildirilir ki, qeydiyyata alınan əmlakın ümumi sayından 1431 ilkin, 3266-sı isə, təkrar bazarın payına düşüb. Eyni zamanda, 984 ipoteka müqaviləsinin qeydiyyatı aparılıb.
Ötən ilin yayında Azərbaycan İpoteka Fondu vəsait çatışmazlığı səbəbindən kredit verilişini dayandırdı. 2008-ci ilin Dövlət büdcəsindən Fonda 35 mln. manat ayrılıb, lakin Fond hələ ki, kredit verilişini bərpa etməyib. Buna görə, ölkədə ipoteka kreditləşməsi bir neçə yerli bankın şəxsi proqramı hesabına reallaşdırılır.
