Azərbaycan, Bakı, 14 iyul/ Trend , müxbir İ.Xəlilova/ Temenos Group AG - birləşdirilmiş bank sistemləri modullarının tədarükçüsü 2008 -ci ilin sonunadək Azərbaycanda ofis açmağı planlaşdırır. Bu barədə bazar ertəsi MDB və Baltika ölkələri üzrə Bakıda olan direktor Sergey Metelski məlumat verib. Bu, Azərbaycanda birbaşa işləməyə, biznesi inkişaf etdirməyə və müştəriləri dəstəkləməyə imkan verəcək.
"Ofisin açılması şirkətin dünya üzrə müştəri bazasını genişləndirmək strategiyası ilə bağlıdır və Azərbaycan regionda daha çox prioritetli ölkə olub. Münasibətlərin qızğın inkişafına görə Temenos burada iştirak edəcək", - Metelski qeyd edib.
O, şirkətin Azərbaycan ofisindən yaxında yerləşən dövlətlərin dəstəklənməsi ehtimalını istisna etməyib. Bu gün Temenos Azərbaycanda iştirakını Azərbaycanın RİSK şirkəti vasitəsilə təmin edir. O, bu şirkətlə işləyir.
Temenos-un nümayəndəsinin rəyinə görə, Azərbaycanda təmsilçilik ofisi açmağa imkan verən kifayət qədər əlverişli müştəri bazası yaradılıb.
"Adətən, bunun üçün üç müştəri kifayətdir. Lakin Azərbaycanda artıq T24 bank proqramının tətbiqi üzrə dörd müqavilə imzalanıb", - Metelski qeyd edib.
Azərbaycanda Temenos-un proqram təminatını ilk dəfə Bank Standard-da tətbiq olunub və bank proqramının rekord müddət ərzində işə salınması (1,5 ildən az) regionda böyük imkanlar açır. Bundan əlavə, Azərbaycan Milli Bankı, AzerigazBank və TexnikaBank ilə daha üç saziş imzalanıb. Həmçinin, ölkənin üç-dörd kommersiya bankı ilə danışıqlar aparılır.
Temenos Group AG dünyanın 110 ölkəsində 500-dən çox maliyyə institutunun birləşdirilmiş bank sistemləri modullarının tədarükçüsüdür. Temenos T24 -ün texniki imkanları saniyədə 1000 əməliyyatı, 10 000 qoşulmuş istifadəçini, 100 000 İnternet şəbəkəsinə qoşulmuş istifadəçini və 50 mln. hesabı dəstəkləməyə imkan verir.
İyulun 14 -ə olan cari məzənnə - 0,8057 AZN/USD.
Müəlliflə əlaqə saxlamaq üçün elektron ünvan: [email protected]
