Azərbaycan, Bakı, 22 iyul/ Trend /Tatarıstan nəqliyyatçıları iyulun 16-17-də Bakıya səfər zamanı azərbayacanlı həmkarları ilə nəqliyyat və yol tikintisi sahəsində təcrübə mübadiləsi ediblər. Bakıda Tatarıstan nümayəndə heyətinə ölkənin nəqliyyat və yol təsərrüfatı naziri İldus Fashuddinov başçılıq edib.
"Səfərin başlıca məqsədi - nəqliyyat və yol tikintisi sahəsində ölkələrimiz arasında təcrübə mübadiləsidir", -çərşənbə axşamı Trend -a telefonla Tatarsstanın nəqliyyat nazirinin köməkçisi Ruslan Sabirov deyib.
Sabirov nəqliyyat sahəsində Azərbaycan və Tatarıstan arasında mümkün gələcək əməkdaşlığı istisna etməyib.
Azərbaycan Nəqliyyat Nazirliyinin rəsmi saytında yerləşdirilən press-relizdə bildirlir ki, Fashuddinov nəqliyyat naziri Ziya Məmmədovla görüşü zamanı bəyan edib ki, Azərbaycan yol-nəqliyyat sektorunun inkişafı, körpü və yol birləşmələrinin tikintisi üzrə böyük uğurlar qazanır və qonşu ölkələrin diqqətini cəlb edir.
Tatarıstan nümayəndə heyətinin tərkibinə "Qlavtatdortrans"-ın baş idarəsinin, "Stroyinjinirinq", "PSO Kazan", "Trans-most" Birliklərinin rəhbərləri də daxil idilər.
