Azərbaycan, Bakı, 24 iyul/ Trend müxbir E.İsmayılov/ Cari ilin üçüncü rübündə yeni metropoliten deposunun tikintisi üzrə işlərə başlamaq planlaşdırılır. Bu barədə cümə axşamı Metropolitenrəhbərliyindən məlumat veriblər. Tikinti işlərini 2012 - ci ilə başa çatdırmaq planlaşdırılır.
"Payıza yaxın biz tikintiyə başlanılması üçün hazırlıq işlərinə başalamalıyıq", - metropolitendən bildiriblər.
Yeni deponun tikintisi bu rayonda məzarlığın, yaşayış binalarının yerləşdirilməsi üzündən uzun prosesdir. Bununla əlaqədar, tikintinin başlaması bütün bu obyektlərin yerinin dəyişdirilməsi üzrə əlavə işləri nəzərdə tutur.
Altıncı və doqquzuncu mikrorayonların ərazisində yerləşən "Nəsimi" stansiyasının 1-15 sentyabr aralığında açmaq planlaşdırılır.
Bakı metropoliteni İçəri Şəhər stansiyasından Nəriman Nərimanov stansiyasınadək üç aralıq stansiya ilə, 1967- ci ildən fəaliyyət göstərir. Metropolitenin yeddi stansiyası (İçəri Şəhər, Sahil, 28 may, Cəfər Cabbarlı, Xətai, Nizami, Elmlər Akademiyası) dərin enişli, Bakmil - yerüstü, qalanları isə sütunlu, dayaz enişlidir (cəmi 20 stansiya).
Müəlliflə əlaqə saxlamaq üçün elektron ünvan: [email protected]