Azərbaycan, Bakı, 09 avqust/ Trend , müxbir S.Babayeva / İlk yarımildə Naxçıvan Muxtar Respublikasında (NMR) ümumdaxili məhsulun (ÜDM) həcmi 2007-ci ilin həmin dövrü ilə müqayisədə 23,2 faiz artaraq, 311 mln. manata çatıb, - NMR-in Bakıdakı daimi nümayəndəliyindən bildiriblər.
Bu dövr ərzində ÜDM-in strukturunda 42,7 faiz və ya 13 mln. manat mal istehasalının payına düşüb. Xidmətlərin göstərilməsinə görə 163 mln. manat (52,5 faiz) məbləğində əlavə dəyər yaradılıb. 4,8 faiz və ya 14,8 mln. manat məhsul və idxalın vergi payına düşüb.
Yanvar-iyun ərzində sənaye sahəsində 17,6 faiz (54,4 mln. manat), kənd təsərrüfatında 10 faiz (31,1 mln.mant), tikintidə 15,1 faiz (46,8 mln. manat), nəqliyyatda 3,7 faiz (11,4 mln. manat), rabitə sektorunda 2,8 faiz (8,8 mln. manat), topdansatış və pərakəndə ticarətdə, avtomobil və müxtəlif məişət texnikasının təmiri üzrə 23,8 faiz (74 mln. manat) əlavə dəyər yaradılıb.
