Azərbaycan, Bakı, 11 avqust/ Trend / 2008-ci ilin yanvar-iyulunda Azərbaycan daxilində ticarət dövriyyəsi 5,8 mlrd. manat - 2007-ci ilin eyni dövrü ilə müqayisədə 15,2 faiz çox olub.
Dövlət Statistika Komitəsinin məlumatında bildirildiyi kimi, ümumi mal dövriyyəsinin 15,6 faizi hüquqi şəxslər, 45,3 faizi yarmarka və bazarlarda çalışan fiziki şəxslər, 39,1 faizi özəl sahibkarlar tərəfindən həyata keçirilib.
Ticarət şəbəkələrindən əhaliyə 3,8 mlrd. manatlıq ərzaq malları, 2,5 mlrd. manatlıq qeyri-ərzaq malları satılıb. Hər iki növ üzrə satışların artımı 2007-ci ilin yanvar-iyulu ilə müqayisədə müvafiq olaraq 10,4 faiz və 27,9 faiz təşkil edib.
Yeddi ay ərzində əhaliyə 1,7 mlrd. manatlıq və ya 29,4 faiz çox pullu xidmət göstərilib. Xidmətlərin 79,4 faizi hüquqi, 20,6 faizi fiziki şəxslərin payına düşüb. Artım müvafiq olaraq 36,5 faiz və 7,7 faiz təşkil edib.
