Azərbaycan, Bakı, 12 avqust/ Trend , müxbir İ.Xəlilova/ Gürcüstan hökuməti kredit təşkilatlarında artıq ajiotajın qarşısını almaq üçın ölkə ərazisində fəaliyyət göstərən bütün banklar üçün avqustun 12-ni məcburi qaydada istirahət günü elan edib.
"Bu, Gürcüstandakı Azərbaycan banklarına da şamil edilib. Belə ki, onlar bu ölkənin bank qanunvericiliyinə müvafiq olaraq fəaliyyət göstərirlər və hökumətin sərəncamlarına əməl etməyə məcburdurlar", - Azərbaycan Bankları Assosiasiyasının prezidenti, Qafqaz İnkişaf Bankı Müşahidə Şurasının prezidenti Eldar İsmayılov çərşənbə axşamı bildirib.
Qafqaz İnkişaf Bankı 1999-cu ildə Gürcüstanın bank bazarına daxil olmuş ilk Azərbaycan bankı olub.
Lakin İsmayılovun qeyd etdiyinə görə, "bankın əməkdaşları bank xidməti göstərmək üçün deyil, analitik fəaliyyət aparmaq üçün bu gün işə çıxıblar". Onun sözlərinə görə, Gürcüstandakı hərbi vəziyyətlə əlaqədar, iqtisadi fəallıq və biznes-dairələrin fəaliyyəti dayandırılıb ki, bu da bank sisteminin fəaliyyətinə təsir göstərir.
Buna görə də Gürcüstan Milli Bankının avqustun 18-dək kredit və kredit kartlarının verilməsinin dayandırılması barədə qərarı əməliyyatların həcminə cüzi təsir edəcək. Bundan əlavə, Mərkəzi Bankda əmanətçilər vəsaitlərini kütləvi surətdə götürməyə başlarlarsa, kommersiya təşkilatlarını dəstəkləyəcəklərini vəd ediblər.
"Bizim bank hələ ki, belə vəziyyətlə qarşılaşmayıb, lakin düşünürəm çətin ki, əhali öz əmanətlərini götürəcək", - İsmayılov bildirib.
Hazırki gün üçün Qafqaz İnkişaf Bankı filialının aktivləri $10 mln.-dan çoxdur, Nizamnamə kapitalı isə $9 mln.-a çatır.
Avqustun 12-nə olan cari məzənnə -- 0,8136 AZN/USD
Müəlliflə əlaqə saxlamaq üçün elektron ünvan: [email protected]