Azərbaycan, Bakı, 12 avqust/ Trend , müxbir İ.Xəlilova/ Azərbaycanın Nazirlər Kabinetində dövlət zəmanəti altında cəlb edilmiş xarici borclar hesabına maliyyələşdirilən layihələrin realizə vəziyyətinin izlənilməsi üçün mərkəzləşdirilmiş monitorinq sisteminin yaradılması 2009 - cu ilin əvvəlində başlayacaq. Bu barədə çərşənbə axşamı Nazirlər Kabinetindən məlumat veriblər. Yubanmalar sistemin yaradılmasına $322,35 min (200 min islam dinarı) ayıracaq İslam İnkişaf Bankı (İİB) ilə sazişin yekun variantının imzalanması prosedurunun icrası ilə bağlıdır.
Sazişin bağlanmasına səlahiyyətin alınmasından əlavə, məsləhətçinin cəlb edilməsi, proqram təminatı, avadanlığın alqısının həyata keçirilməsi nəzərdə tutulur və buna görə də gələn ilədək sistemin tətbiqinə başlamaq mümkün deyil. Məsləhətçi ən yaxşı halda, payızda cəlb edilə bilər.
Layihənin ümumi dəyəri $383,25 min təşkil edir.
Bank işləri 2009 - cu il iyunun 1- dək başa çatdırmağı təklif etsə də, mərkəzləşdirilmiş monitorinq sisteminin 2011- ci il yanvarın 1-dək yaradılması nəzərdə tutulub.
Bu sistemin Nazirlər Kabinetinin dövlət zəmanəti altında kreditlərin, texniki yardım və qrantların alınmasının koordinasiyası üzrə Şöbəsi nəzdində tətbiqi nəzərdə tutulur.
Layihənin əsas məqsədi layihələrin realizə vəziyyəti, dövlət zəmanəti altında cəlb edilən kreditlərin mənimsənilməsi, prosedurlar, həmçinin, xarici borcların idarə edilməsinin təkmilləşdirilməsinin illik monitorinqinin həyata keçirilməsidir. Bu, şəffaflığı və problemlərə operativ reaksiya göstərməyi təmin etməyə imkan verəcək. Mərkəzləşdirilmiş monitorinq sisteminə Nazirlər Kabinetinin, Prezident Aparatının, Maliyyə və İqtisadi İnkişaf nazirliklərinin nümayəndələri ilə yanaşı, digər kredit alıcılarının, məsləhətçilər, layihələrin baş podratçılarının çıxışı olacaq.
2008 - ci il iyulun 1-nə olan vəziyyətə görə, Azərbaycanın dövlət zəmanəti altında cəlb edilən borcları $2 590 mln.-a çatıb ki, bu da ÜDM-in 6,4 faizi deməkdir.
Avqustun 12-nə olan cari məzənnə -- 0,8136 AZN/USD.
Müəlliflə əlaqə saxlamaq üçün elektron ünvan: [email protected]