Azərbaycan, Bakı, 18 avqust/ Trend , müxbir Ü.İsmayılova/ Yanvar-iyulda Azərbaycanda pensiyaçıların sayı 1,25 mln. nəfər olub,- bazar ertəsi Dövlət Statistika Komitəsindən məlumat veriblər. Azərbaycanda hər min nəfərə 312 pensiyaçı düşür.
Dövlət Komitəsinin məlumatına əsasən, pensiyaçıların 66 faizi yaş kateqoriyası, 23 faizi əlillik, 11 faizi ailə başçısını itirdiklərinə görə müavinət alır.
Azərbaycanda pensiyanın orta məbləği 2007- ci ilin analoji dövrü ilə müqayisədə 25 faiz - 77,5 manatadək artıb.
Əhalinin Sosial Müdafiəsi Fondunun məlumatına əsasən, ilin əvvəlindən ölkə əhalisinə 710,7 mln. manat müavinət verilib ki, bu da 2007- ci ilin analoji dövründən 30,4 faiz çoxdur.
Yanvar-iyulda pensiya almaq hüququ olmayan 54,3 min nəfər üçün kommunal, nəqliyyat və digər xərclərə görə aylıq müavinətlər ayrılıb.
Yanvar-iyunda ünvanlı sosisal yardım (ÜSY) alanların sayı 467,1 min nəfərə çatıb. Bir nəfərə düşən ÜSY-nin məbləği 17,98 manat olub.
