Azərbaycan, Bakı, 20 avqust / Trend , müxbir İ.Xəlilova / Beynəlxalq Maliyyə Korporasiyası (BMK) Azərbaycan şirkətlərinə xarici bazarlara çıxmaqda yardım göstərməyə hazırdır. Bu barədə Bakıya bir günlük səfərə gələn BMK-nın baş icraçı direktoru və Dünya Bankının özəl sektor üzrə qrupununun icraçı vitse-prezidenti Lars Tunell bildirib.
"Korporasiyanın "cənub əməkdaşlığı" adlanan dəstəkdə böyük təcrübəsi var", - deyə o bildirib.
BMK Türkiyə firmalarının Mərkəzi Asiya, Misir firmalarının Yaxın Şərq, Braziliya şirkətlərinin isə Rusiya bazarlarına çıxmasına yardım göstərib.
Eyni zamanda, Tunell Azərbaycan hökuməti ilə müzakirə olunan sərhədyanı ticarətin inkişafını mühüm hesab edir.
"Düzdür, Gürcüstandakı hadisələr bütün region üçün böyük faciə hesab olunur və təhlükəsizlik məsələsi çərçivəsində belə hallarda olduğu kimi, sərhədlərin bağlanması mümkündür. Lakin mən hesab edirəm ki, əksinə, regional ticarəti inkişaf etdirmək lazım idi, bu da öz növbəsində hazırkı hadisələr şəraitində iqtisadiyyata və ölkə əhalisinin rifahına yaxşı təsir göstərərdi", - deyə Tunell bildirib.
(O, Bakıda onunla görüşməyə gələn Gürcüstan nümayəndələri ilə də görüş keçirib.)
Rusiya hökuməti MDB-yə üzv ölkələrin vətəndaşları istisna olmaqla, hamı üçün Azərbaycan və Gürcüstan ilə sərhədlərinin bağlanmasına dair artıq sərəncam verib. Rusiyanın Azərbaycan və Gürcüstan ilə sərhədindən xarici vətəndaşlar və onların nəqliyyat vasitələrinin buraxılmamasına qoyulan məhdudiyyət "Xarici terror təşkilatları üzvlərinin Rusiya ərazisinə keçməsi, silah və sursat diversiyalarının ölkəyə gətirilməsinin qarşısını almaq" zərurətinin yaranması ilə əsaslandırılır.
Sərhədlərin bağlanmasına dair qərarda Latviya, Litva və Estoniyadan gələn dəmir yolu lokomotivləri və vaqonları üçün istisna mövcuddur. Bununla yanaşı, sənəddə qeyd olunur ki, bu ölkənin vətəndaşları da sərhədi keçə bilməzlər.
RİA "Novosti"nin verdiyi xəbərə görə, Rusiya Federasiyası hökumətinin 2008-ci il 12 avqust tarixli 592 №-li qərarı çərşənbə axşamı "Rusiya qəzeti"ndə nəşr olunub.
Məqalə müəllifi ilə əlaqə üunvanı: [email protected]
