...

BMK Azərbaycanda ərzaq təchizatı sisteminin formalaşdırılmasına sərmayə yatırmağa hazırdır

Biznes və iqtisadiyyat xəbərləri Materials 20 Avqust 2008 17:40 (UTC +04:00)

Trend-i buradan izləyin

Azərbaycan, Bakı, 20 avqust/ Trend , müxbir İ.Xəlilova/ Beynəlxalq Maliyyə Korporasiyası (BMK) sərmayə yatırılması və məsləhət dəstəyinin göstərilməsi istiqamətində Azərbaycanda fəaliyyətini genişləndirmək niyyətindədir,- BMK-nın Baş icraçı direktoru, Dünya Bankının özəl sektor üzrə icraçı vitse-prezidenti Lars Tunnel avqustun 19-da Bakıya səfəri zamanı bildirib. Mərkəzi Asiya və Azərbaycanda əməliyyatların genişləndirilməsi təşəbbüsü BMK-nın Direktorlar Şurasından gəlib.

"Azərbaycana səfər üçün bu dövrün seçilməsi məhz özəl sektorda əməkdaşlığın artırılması üçün platforma və yolların axtarışı ilə bağlıdır", - Tunnel bildirib.

Tunnel hökumətlə, Korporasiyanın müştəriləri, beynəlxalq təşkilatlar və donor ölkələrin nümayəndələri ilə məsləhətləşmələr aparıb. Onun sözlərinə görə, son illərdə BMK Azərbaycandakı maliyyələşdirmənin həcmini artırıb, onun portfeli $100 mln.-a çatıb və yalnız 2007- ci ildə $28 mln. sərmayə yatırılıb.

Korporasiya bank sektoru ilə birbaşa əməkdaşlığı davam etdirmək niyyətindədir.

"Azərbaycanın kifayət qədər kapital ehtiyatları olsa da, gələcək əməkdaşlıq üçün böyük imkanlar var", - BMK-nın nümayəndəsi bildirib.

Maliyyə Korporasiyası kənd təsərrüfatı məhsullarının emalı, ərzaq təchizatı şəbəkəsinin formalaşdırılmasını (istehsal, loqistikadan nəqletməyədək) dəstəkləməyə hazırdır.

Onun rəyinə görə, lizinq sektoruna yardım nəticəsində ölkədəki lizinq portfeli sıfırdan $200 mln.-dək artıb. Eyni zamanda, bu gün aktuallığı xüsusilə artan yaxşı korporativ idarəetmə təcrübəsinin tətbiqi üzrə fəaliyyət həyata keçirilir.

Azərbaycan 1995 - ci ildə BMK-nın üzvü olub. 1996 - cı ildən Korporasiya Azərbaycanda ümumi dəyəri $400 mln-a yaxın 40 layihə və məsləhət xidmətlərinin göstərilməsi üzrə 10 layihə realizə edib. Yatırılmış sərmayələrin $300 mln.-dan çoxu Korporasiyanın şəxsi vəsaitlərindən ayrılıb, $104 mln.-u isə digər donorlardan cəlb edilib. Son iki ildə BMK-nın Azərbaycana sərmayələri dörd dəfə artıb.

1995 - ci ildən sərmayələrin 53 faizi neft - qaz sektoru, 34 faiz - maliyyə bazarları, 13 faiz isə - sənaye və aqrobiznesin maliyyələşdirilməsinə yönəldilib.

Avqustun 20 - n ə olan cari məzənnə -- 0,8138 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti