Azərbaycan, Bakı, 08 sentyabr / Trend , müxbir Ü.İsmayılova/ Ümumdünya İntellektual Mülkiyyət Təşkilatı (ÜİMT) Bakıda "İntellektual mülkiyyət və yayımın təşkili" adlı seminar keçirəcək. Bu barədə bazar ertəsi Azərbaycan Müəllif Hüquqları Agentliyindən bildiriblər.
"Seminar oktyabrın 16-17-də keçiriləcək", - deyə agentlikdən bildiriblər.
Seminarda ÜİMT-nin altı eksperti iştirak edəcək. Onlar yerli həmkarları ilə intellektual mülkiyyət mövzusu üzrə söhbət aparacaq, həmçinin azərbaycanlı müəllif hüquqları müdəfiəçilərinin suallarını cavablandıracaqlar.
Ümumdünya İntelektual Mülkiyyət Təşkilatı - Birləşmiş Millətlər Təşkilatının ixtisaslaşdırılmış idarəsidir. Onun fəaliyyəti balanslaşdırılmış və əlverişli beynəlxalq intellektual mülkiyyət sisteminin inkişafına həsr olunub. Bu sistem yaradıcılıq fəaliyyətinə görə mükafat təsis edir, innovasiyanı stimullaşdırır və ictimaiyyətin maraqlarını nəzərə alaraq iqtisadi inkişafa öz töhfəsini verir.
Məqalə müəllifi ilə əçlaqə ünvanı - [email protected]