Azərbaycan, Bakı, 10 sentyabr/ Trend , müxbir Ü.İsmayılova/ Azərbaycan sahibkarlıq fəaliyyətinin dövlət tənzimlənməsi sistemində aparılan islahatlara görə dünyada liderdr və sahibkarlıq fəaliyyətinin həyata keçirilməsi üçün əlverişli şərait dərəcəsinə görə ümumdünya reytinqində 97-ci yerdən 33-cü yerə qalxıb, Dünya Bankı (DB) və Beynəlxalq Maliyyə Korporasiyasının (BMK) "Doing Business 2009" birgə hesabatında bildirilir.
Azərbaycan, yeni müəssisələrin yaradılması prosedurlarını, müqavilələrin icrasının təminatını və mülkiyyət hüququnun qeydiyyatını sürətləndirərək, vergi inzbiatçılığı yükünü və əmək münasibətləri sahəsindəki məhdudiyyətləri azaldaraq, hüquq və maraqların müdafiə dərəcəsini və kredit məlumatından istifadə dərəcəsini artıraraq məruzədə nəzərdən keçirilən 10 tənzimləmə sahəsindən yeddisində islahatlar aparıb.
2007-ci ilin sentyabrında islahatların keçirilməsi sahəsində regional dünya lideri olan Azərbaycanda açıq kredit reyestrində nəzərə alınan borcların minimal ölçüsünə qarşı tələblər ləğv edilib.
2007-ci ilin mayında Əmək Məcəlləsinə edilən əhəmiyyətli dəyişikliklər işəgötürənlər üçün daimi işlərin icrasına dair təcili müqavilə bağlamaq imkanları yaratmaqla, günün gecə vaxtlarında işə qarşı tələblərin yumşaldılması və ştatın ixtisar edilməsi ilə əlaqədar işdən azad edilərkən tələblərin həcminin azaldılması hesabına işçilərin işə qəbulu prosesini sadələşdirib.
Azərbaycanda təsərrüfat işləri üzrə ikinci məhkəmə formalaşdırılıb ki, bu da təsərrüfat mübahisələrinə baxan hakimlərin sayını beşdən doqquzadək artırmağa imkan verib. Məhkəmə qərarı əsasında müqavilələrin məcburi icrası haqqında işlərə baxılmasının orta müddəti 267 gündən 237 günədək azaldılıb. Qanunun digər əsasnamələri verilən itkilərin tələb olunması və kompensasiya edilməsi, qanunsuz alınmış mənfəətin belə müqavilələrin bağlanmasına görə məsuliyyət daşıyan direktorlara qaytarılması vasitəsilə sərmayədarların hüquq və maraqlarını müdafiə edir.
Ölkədə daşınmaz əmlakla bağlı sazişlərin yeni vahid qeydiyyat reyestri yaradılıb ki, bu da əmlakın qeydiyyatı üzrə prosedurların sayını yeddidən dördədək azaltmağa imkan verib. Bundan əlavə, Daşınmaz Əmlakın Dövlət Reyestri Xidməti bu dörd prosedurdan ikisini sürətlə keçmək imkanı yaradıb ki, bu da əmlakın qeydiyyatını 11 gün ərzində rəsmiləşdirmək imkanı verir.
Azərbaycanda yaradılan müəssisələrin qeydiyyatı üçün "vahid pəncərə" sistemi də yaradılıb ki, bu da zəruri prosedurların sayını 30-dan yeddiyədək azaltmağa və bu məqsədlə çəkilən xərcləri iki dəfə azaltmağa imkan verib.
Ölkədə vergi bəyannamələrinin verilməsi və vergilərin İnternet vasitəsilə ödənilməsi sisteminin tətbiqi hesabına vergi yükü azaldılıb. Bu sistem çərçivəsində vergilərin ödəniləcəyi məbləğin hesablanması üçün müasir kompüter mühasibat proqramlarından istifadə edilir ki, bu da zəruri sənədlərin tərtibi üçün ildə orta hesabla 500 saatdan çox müddətə qənaət etməyə imkan verir.
Hesabatda bildirilir ki, Azərbaycanda həll edilmə mərhələsində olan iki əsas problem tikinti sektorunda prosedurların aparılması müddətinin azaldılması və ticarət sahəsində islahatlardır.
Müəlliflə əlaqə saxlamaq üçün elektron ünvan: [email protected]
