Azərbaycan, Bakı, 13 sentyabr / Trend , müxbir Ü.İsmayılova/ İlin əvvəlindən Azərbaycanın daşınmaz əmlak bazarında qiymətlər mülkiyyətin strateji yerləşməsindən asılı olaraq, 5 faizdən 25 faizədək artıb, - şənbə günü Azərbaycanın Daşınmaz Əmlakın Dövlət Reyestri Xidmətinin rəhbəri Arif Qaraşov deyib.
"İlin sonunadək bazarda qiymətlər 10 faizdən çox artacaq", - Qaraşov bildirib.
Hazırda Bakının daşınamz əmlak bazarında ən baha torpaq sahələridir. Əsas fəallıq Novxanı bağ massivində, Bakının Binəqədi və Əzizbəyov rayonlarında müşahidə edilir.
"Şəhərin bu zonalarının xeyli fəallığı şəhərin mərkəz hissəsində torpaq sahələrinə olan təkliflərin azalması ilə bağlıdır", - Qaraşov bildirib.
"Daşınmaz əmlak bazarının iştirakçıları" İctimai Birliyinin məlumatlarına əsasən, avqustda Bakının torpaq bazarında orta qiymət iyula nisbətən bir faiz artaraq sotu $22117 olub
Bakıda avqustda ən bahalı torpaq sahəsi Bakının Nərimanov rayonunda sotu $42,5 minə, ən ucuz isə Bakının Sabunçu rayonunda sotu $660 təklif olunub.
