...

Azərbaycanın iri sığorta şirkəti böhrandan sığorta olunur

Biznes və iqtisadiyyat xəbərləri Materials 27 Sentyabr 2008 16:24 (UTC +04:00)

Trend-i buradan izləyin

Azərbaycan, Bakı, 27 sentyabr/ Trend , müxbir Ü.İsmayılova/ "Azərbaycanın iri sığorta şirkətlərindən biri - MBASK maliyyə böhranının nəticələrindən sığorta olunmaq niyyətindədir", - Şirkətin İdarə Heyətinin sədri Cəmil Məlikov şənbə günü bildirib.

"Hazırda şirkət bu məqsədlə bank sektoru ilə bağlı olmayan yeni məhsullar paketi hazırlayır", - Məlikov qeyd edib.

Azərbaycanda ipoteka kreditləşməsinin templəri azalıb, bir sıra banklar borc vəsaitlərinin verilməsi üzrə əməliyyatları, ümumiyyətlə, dayandırıblar. Bankların kreditləşmə templərini azaltması dünya maliyyə bazarlarındakı böhranla izah olunur. Belə vəziyyət bankları daha ehtiyatlı olmağa və müştəri bazasının formalaşdırılması zamanı sərt seçim aparmağa məcbur edir ki, bu da korporativ idarəetmə sisteminin bir hissəsidir.

Şirkət rəhbərinin rəyinə görə, hazırda Azərbaycaın sığorta şirkətlərinin fəaliyyətinin 50 faizi bank sektorunun işi ilə bağlıdır.

"Ən qabaqcıl sığorta polislərinin daxil olacağı yeni paket yalnız xüsusi şəxslər üçün nəzərdə tutulub", - Məlikov bildirib.

Fəaliyyət istiqamətlərinə yenidən baxılması zərurəti dünyadaki vəziyyət və daxili bazardakı proseslərin ilin sonunadək ölkənin sığorta bazarının artım tepmlərinin 10 faiz, sığorta şirkətlərinin bizneslərinin həcminin 5 faiz azalmasına gətirəcəyi ilə bağlıdır. 1992 - ci ildən Azərbaycanın sığorta bazarında iştirak edən MBASK, 29 növ sığorta xidməti göstərir və onlardan dördü icbaridir. Şirkətin Nizamnamə kapitalı 2 mln. manatdır. Birinci yarımil ərzində MBASK sığorta şirkətinin sığorta haqları 12,12 mln. manat, ödənişləri 2,36 mln. manat olub.

MBASK Azərbaycanın kapitalında Avropa Yenidənqurma və İnkişaf Bankının 30 faiz pay əldə etdiyi (2005 - ci ilin yanvarında) ilk sığorta şirkətidir.

Sentyabrın 27 - nə olan cari mübadilə məzənnəsi -- 0,807 AZN/USD.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti