Azərbaycan, Bakı, 08 oktyabr/ Trend , müxbir Ü.İsmayılova/ "Azərbaycan İnvestisiya Şirkətinin (AİŞ) Müşahidə Şurası Prezidentin İcra Aparatına xaricə sərmayə yatırımlarının başlaması haqqında təkliflər təqdim edib", - Şuranın sədri, Azərbaycanın iqtisadi inkişaf naziri Heydər Babayev çərşənbə günü bildirib.
AİŞ - in icraçı direktoru Anar Axundovun sözlərinə görə, məsləhətçilərin yardımı ilə bu təkliflər bir neçə variantda hazırlanıb. Lakin o, təklifləri açıqlamaqdan imtina edib. Birmənalıdır ki, sərmayələrin yatırılmasına 2009 - cu ilədən tez olmayaraq başlanılacaq. Bu məsələ iki amildən - sərmayələr üçün mandatın (ya regional, ya da qlobal) nə dərəcədə geniş təqdim edilməsindən və şirkətin kapitalının nə dərəcədə artırılacağından asılı olacaq.
Azərbaycan İnvestisiya Şirkəti 2006 - cı ildə yaradılıb və kapitalı 90 mln. manata bərabər olub. Onun əsas məqsədi portfel sərmayələri hesabına ölkənin qeyri - neft sektorundakı layihələri dəstəkləməkdir. 2009 - cu ildə şirkətin kapitalı Azərbaycan Dövlət Neft Fondunun hesabına yenidən iki dəfə artırılacaq və kapitallaşdırma prosesi hər il həyata keçiriləcək.
Şirkətin xaricə sərmayə yatırmasına məhdudiyyətləri yoxdur. İndiyədək AİŞ - in yatırımları Azərbaycan ərazisində ümumi dəyəri 600 mln. manat təşkil edən sərmayə layihələrinin realizəsinə başlamağa imkan verib.
Oktyabrın 8 - nə olan cari mübadilə məzənnəsi -- 0,8098 AZN/USD.
Müəlliflə əlaqə saxlamaq üçün elektron ünvan: [email protected]
